КИЧЭЭЛ 12
Библияны улаштыр өөрениринге чүү дузалаар?
Библияны өөренири солун аян-чорукка дөмей. Ынчалза-даа ол орукка бергелер таваржып болур. Безин «Библияны улаштыр өөренген херээ бар бе?» деп боданыр чадавас силер. Чүге дүжүп бербес болза эки? Бергелер турза-даа, ону улаштыр өөрениринге чүү дузалаар?
1. Библия өөренириниң үнези чүдел?
Бурганның Сөзү «дириг болгаш салдарлыг» (Еврейлерге 4:12). Библияда Бурганның бодалдарын бижээн болгаш, ол үнелиг. Оон аңгыда оон Бурган силерге ынак деп билип алыр силер. Библия биске чүгле билиглерни эвес, а мерген угаанны, идегелди берип турар, а эң-не кол чүүл — Иегова-биле өңнүктежип алырынга дузалаар. Оон ыңай Библия силерге эки талазынче өскерлип алырынга херек күштү бээр.
2. Библейжи алыс-шынның үнезин утпазы чүге чугула?
Алыс шынны эртине-байлакка дөмейлеп болур. Ынчангаш Библияда ооң дугайында мынча дээн: «Алыс шынны садып алгаш, ону кажан-даа сатпа» (Чугаалар 23:23, Чаа делегей). Алыс шынның кайы хире үнелиин сактып чоруур болза эки. Ынчан кандыг-даа шаптараазыннар турза, Библияны өөренир дээш үевисти болгаш күжүвүстү хараадавас бис. (Номчуптуңар: Чугаалар 2:4, 5.)
3. Иегова силерге канчаар дузалаар?
Иегова — Күчү-күштүг Бурган, бистиң Чаяакчывыс болгаш Өңнүүвүс. Ооң-биле таныжып алырыңарны Ол дыка күзеп турар. Бурган биске «соругдаан сорулгазынче чүткүүрүн-даа, ону күүседирин-даа боттандырып турар». (Номчуптуңар: Филипчилерге 2:13.) Ынчангаш Иегова силерге Библияны өөренир база оон билип алган билиглерни чуртталгаңарга ажыглаар күштү берип, өөрүшкүлүү-биле дузалаарынга белен. Бергелер болгаш удурланыышкыннар туруп келзе, Бурган силерге ону ажып эртер немелде күштү албан бээр. Ынчангаш Библияны улаштыр өөрениринге дузалаар кылдыр Иеговадан үргүлчү мөргүп дилеңер (1 Фессалоникчилерге 5:17).
ХАНЫ ШИНЧИЛЕҢЕР
Үеңер чок азы өске улус удурланыр-даа болза, Библияны өөренирин канчаар уламчылаарыл? Иегова силерге канчаар дузалап болур?
4. Библия өөренири эң кол черни ээлээр ужурлуг
Чамдыкта чай чогувустан Библия өөрениринге үе чедишпес ышкаш сагындырар. Ынчаарга чүнү канчап болурул? Филипчилерге 1:10-ну номчааш, харыылаптыңар:
-
Силернии-биле алырга, чуртталгада эң чугула чүүл дээрге чүл ол?
-
Библияны өөренири чуртталгаңарга кол черни ээлезин дизе, чүнү канчап болур силер?
-
А. Бир эвес саваже элезинни уруптар болза, ынаар даштар сыңмайн баар
-
Б. Ынчалза-даа баштай даштарны салгаш, оон элезинни урар болза сыңа бээр. Шак ынчаар эң чугула чүүлдү чуртталгага кол черге салыр болза, өске ажыл-херектерге үе тыптып кээр
Библияны өөренири бистиң Бурган-биле харылзаа тудар хереглеливисти хандырып турар. Матфей 5:3-тү номчааш, харыылаптыңар:
-
Библияны өөренири эң кол черни ээлээр болза, кижиниң чуртталгазы канчаар өскерли бээрил?
5. Удурланыышкыннар турза-даа, өөренирин соксатпаңар
Чамдык улус биске «Библияны өөренирин соксат» деп чугаалап болур. Франческонуң чижээн көрүптээлиңер. ВИДЕОНУ көргеш, айтырыгларга харыылаптыңар:
-
Франческо Библия өөрени бергенин чугаалаарга, эштери болгаш төрелдери канчалган?
-
Бодунуң туруштуу дээш, Франческо канчаар шаңнаткан?
2 Тимофейге 2:24, 25-ти номчааш, харыылаптыңар:
-
Библия өөренип турар бооруңарга, төрелдериңер болгаш эш-өөрүңер силерге кандыг хамаарылгалыг?
-
Бо шүлүктерден алырга, бир кижи силерниң Библияны өөренириңерге таарзынмайн турар болза, канчаар алдынар болза экил? Тайылбырлаптыңар.
6. Иеговадан дузаны дилеңер
Иеговаже чоокшулаан тудум, бистиң Ону өөртүр күзеливис өзүп турар. Ынчалза-даа Иегованың негелделерин ёзугаар чурттаары белен эвес бооп болур. Ындыг-даа болза черле дүжүп бербеңер! Иегова силерге дузалаар. ВИДЕОНУ көргеш, айтырыгларга харыылаптыңар:
-
Иегованы өөртүп, Джим чуртталгазын канчаар өскерткен?
-
Ооң чижээ силерге чүзү-биле солун болду?
Еврейлерге 11:6-ны номчааш, харыылаптыңар:
-
«Олче чүткүп чоруур улуска» азы чуртталгазын эки талаже өскертип алыр дээш кызар улуска Иегова чүнү кылырын күзеп турар?
-
Бо шүлүктен алырга, Библияны өөренирин уламчылап турарыңарны көргеш, Иегова чүнү миннип турар?
БИР КИЖИ МЫНЧААР АЙТЫРЫП БОЛУР: «Библияны чүү дээш өөренип турар силер?»
-
Чүү деп харыылаар силер?
КОЛ БОДАЛ
Библия өөренири белен эвес-даа болза, ол мөңге чуртталгаже дың чаңгыс орук-тур. Иеговадан дуза дилээрин уламчылаңар, Ол силерни албан шаңнаар.
Катаптаашкын
-
Библейжи алыс шын силерге кайы хире үнелигил? Чүге?
-
Чуртталгаңарда эң чугула чүүлдү канчаар шилип ап болур силер?
-
Библияны улаштыр өөрениринге Иеговадан дуза дилээри чүге чугула?
НЕМЕЛДЕ
Үени шын ажыглаарынга бо дөрт сүме хөй улуска дузалап турар.
«Үени канчаар шын ажыглаар?» («Оттуп келиңер!» февраль, 2014)
Бурганга бүзүревес ашактыг угбавыска Иегованың канчаар дузалаанын көрүңер.
«Иегова-биле кады чорувуста кандыг-даа үүрге-чүък биске чиик» (5:05)
Кадайының Библияны улаштыр өөренгениниң ачызында, ашааның чуртталгазы канчаар өскерли бергенин видеодан көрүңер.
Иегованың Херечилерин чамдыкта өг-бүлелерни бузуп турар деп буруудадыр. Ол шын бе?
«Иегованың Херечилери өг-бүлелерни бузуп турар бе?» (веб-статья)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
