КИЧЭЭЛ 09
Мөргүл дузазы-биле Бурганче чоокшулаңар
Аайын тыппайн баарыңарга, силерге сүме херек апаар-дыр бе? Чугула айтырыгларга харыыны, аргалалды, деткимчени дилеп турар чадавас силер. Иеговаже чоокшулаарын күзээр силер бе? Бо бүгүге мөргүл дузалаар. А канчаар мөргүүр? Бурган шупту мөргүлдерни дыңнаар бе? Бурган силерни дыңнаар кылдыр, мөргүлдериңер кандыг боор ужурлуг? Билип алыылыңарам.
1. Кымга мөргүүр ужурлуг бис база чүнү чугаалап болур?
Иисус чүгле дың чаңгыс Бурганга мөргүүрүн өөреткен. Иисус боду чүгле Иеговага мөргүп чораан. Ол мынча дээн: «Мынчаар мөргүп чоруңар: „Дээрде Адавыс...“» (Матфей 6:9). Иеговага мөргүп тургаш, Ооң-биле найыралывысты быжыглап турар бис.
Чүнүң-даа дугайында мөргүп болур. Бурган дыңназын деп күзээр болзувусса, Ооң күзел-соруунга дүүштүр мөргүүрү чугула. Бурганның «күзел-соруунга чүүлдештир... дилээр болзувусса, Ол бисти дыңнаар» деп, Иисус чугаалаан (1 Иоанн 5:14). Иеговага чүнүң дугайында мөргүүрүнүң үлегерин Иисус көргүскен. (Номчуптуңар: Матфей 6:9—13.) Дүвүрелдеривис дээш база мөргүүрү шын. Бурганның биске кылган бүгү-ле буяны дээш, өөрүп четтирер болза эки. Өскелер дээш, мөргүп дилеп болур бис.
2. Канчаар мөргүүр?
«Сеткил-чүрээңерни [Бурганга] ажыдып, мөргүңер» деп, Библия бисти кыйгырып турар (Ырлар 61:9). Мөргүлдеривис сеткиливис ханызындан болур ужурлуг. Иеговага олура, тура, дис кырынга мөргүп болур. Кол-ла чүүл, Иеговага хүндүткел. Каяа-даа, кандыг-даа үеде, иштивиске-даа, ыыткыр-даа мөргүүрүвүске Иегова бисти дыңнап турар.
3. Бурган мөргүлдеривиске канчаар харыылап турар?
Бурган мөргүлдеривиске канчаар-даа харыылаар. Чижээ, Иегова айтырыгларга Библия таварыштыр харыылап турар. Бурганның Сөзүн номчууру «кенен улусту угаан киирер» (Ырлар 18:8; номчуптуңар: Иаков 1:5). Берге байдалда Бурган сагыш-сеткиливиске оожургалды бээр азы бараалгакчыларын биске дузалаар кылдыр чортуп турар.
ХАНЫ ШИНЧИЛЕҢЕР
Бурганга кандыг мөргүлдер таарымчалыг база мөргүл силерге кандыг ажык-дузаны эккеп болурун билип алыр силер.
4. Бурган кандыг мөргүлдерни дыңнаар?
Мөргүлдеривис Бурганга таарымчалыг деп, канчаар билип алыр? ВИДЕОНУ көрүңер.
Иегова мөргүүрүвүстү күзеп турар. Ырлар 64:3-тү номчааш, харыылаптыңар:
-
Бурган силерниң мөргүүрүңерни күзеп турар бе? Тайылбырлаптыңар.
Бурган мөргүлдеривисти дыңнаар кылдыр, Ооң дүрүмнеринге дүүштүр чурттаар ужурлуг бис. Михей 3:4 биле 1 Пётр 3:12-ни номчааш, харыылаптыңар:
-
Иегова мөргүлдеривисти дыңнаар кылдыр, чүнү кылыр ужурлуг бис?
Дайын үезинде кайы-даа талазы тиилелге дугайында мөргүүр. Бурган ол мөргүлдерге харыылаар деп манаары шын бе?
5. Мөргүлдеривис чүрээвистиң ханызындан боор ужурлуг
Чамдык улусту ол-ла мөргүлдерни сөстен сөсче мөргүүр кылдыр өөредип турган. Ындыг мөргүлдер Бурганга таарымчалыг бе? Матфей 6:7-ни номчааш, харыылаптыңар:
-
Мөргүлге ол-ла сөстерни катаптавазынга силерге чүү дузалаарыл?
Хүннүң-не бир-ле эки чүүлдү эскерерин кызыңар, ол дээш Иеговага өөрүп четтириңер. Ынчалдыр неделя дургузунда чеди аңгы чүүлдүң дугайында мөргүп болур силер.
Ынакшылдыг ада оглунуң сагыш-сеткилин билип алыксаар. Иегова бистен база чүрээвисти ажыдарывысты күзээр
6. Мөргүл дээрге Бургандан белек
Мөргүл бисти, ылаңгыя берге үелерде, канчаар күш киирип болур? ВИДЕОНУ көрүңер.
Мөргүл чүрээвиске ёзулуг амыр-тайбыңны хайырлаар деп, Библия аазап турар. Филипчилерге 4:6, 7-ни номчааш, харыылаптыңар:
-
Мөргүл бергелерни шиитпирлевес-даа болза, чүге дөмей-ле мөргүүр ужурлуг бис?
-
Чүнүң дугайында мөргүксээр-дир силер?
Билир силер бе?
«Аминь» деп сөс «ындыг-ла болзунам» азы «шын» дээн уткалыг. Бурунгу үелерден тура «аминь» деп сөстү мөргүлдүң төнчүзүнде чугаалаар чораан (1 Чылдар 16:36).
7. Мөргүүрүн утпаңар
Чамдыкта чай чогувустан мөргүүрүн безин уттуп алыр бис. Иисуска мөргүүрү кайы хире чугула турган? Матфей 14:23 биле Марк 1:35-ти номчааш, харыылаптыңар:
-
Мөргүүрүнче үени аңгылап аар дээш, Иисус чүнү кылып турган?
-
Мөргүүр дээш, кайы үени аңгылап ап болур силер?
ЧАМДЫК УЛУС МЫНЧА ДЕП БОЛУР: «Мөргүл — оожургал бээрден башка, херек кырында дузалавас».
-
Силер аңаа чүү деп харыылаар силер?
КОЛ БОДАЛ
Шын сеткил-биле мөргүүрү Бурганче бисти чоокшуладыр база чүрээвиске амыр-тайбыңны хайырлаар. Оон ыңай Иеговага таарымчалыг чүүлдер кылырынга күштү бээр.
Катаптаашкын
-
Кымга мөргүүр ужурлуг бис?
-
Канчаар мөргүүр ужурлуг бис?
-
Мөргүүрү чүзү-биле ажыктыг?
НЕМЕЛДЕ
Мөргүл дугайында нептереңгей айтырыгларга харыыларны тып алыңар.
«Мөргүл дугайында чеди айтырыгның харыызы» («Таңныыл суургазы» октябрь 1, 2010 чыл)
Чүге мөргүүрүл база мөргүлдерни канчаар экижидерил?
Кымга мөргүүрүнге хамаарыштыр Библияда чүнү бижээнин номчуп көрүңер.
Бо хөгжүмнүг видеону көргеш, каяа база кажан мөргүүрүнүң дугайында билип алыр силер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
