КЕЗЕК 4

Изра́ильдиң бир дугаар хаанындан эгелээш, Вавило́нче туттуруушкунга чедир

Изра́ильдиң бир дугаар хааны Сау́л апарган. Ынчалза-даа Иегова оон ойталааш, орнунга Дави́дти шилип алган. Дави́дтиң дугайында хөйнү билип алыр бис. Дави́д элээди оол тургаш, кайгамчык улуг Голиа́ф деп кижи-биле тулушкан. Ол сөөлзүредир адааргак хаан Сау́лдан чаштынып турган. Оон кайгамчык чараш Авиге́я Дави́дти бодал чок чоруктан камгалаан.

Ооң соонда Дави́дтиң оглу — Соломо́ннуң дугайында билип алыр бис, ол бодунуң адазының соонда хаан апарган. Изра́ильдиң баштайгы үш хааны бирээзи-ле 40 чыл ишти башкарып турган. Соломо́н мөчээн соонда, Изра́иль ийи күрүнеге чардынган: соңгу биле мурнуу.

Соңгу он төрел бөлүктүг күрүне 257 чыл турган болгаш ассири́йжилерге узуткаттырган. Ооң соонда 133 чыл болгаш мурнуу чүкте ийи төрел бөлүктүг күрүне узуткаттырган. А изра́ильчилерни Вавило́нче тудуп апарган. Ынчап кээрге, ДӨРТКҮ кезекте, хөй дүвүренчиг болуушкуннар долган, төөгүнүң 510 чылы бистиң караавыска эртер.