Иегова-биле тайбың болурунга израильчилерге ядыы байдал моондак турбаан. Эң ядыы израильчилер безин өргүлдери-биле Иегованы өөртүп болур турган. Чүгле чаңгыс негелде — эң биче үнелиг өргүл безин эң эки шынарлыг болуру чугула турган. Иегова өргүлге далганны безин хүлээп алыр, ынчалза-даа далган — хүндүткелдиг аалчыларга чем кылыр эң бедик шынарлыг болур ужурлуг турган (Эд 18:6). Бис амгы үеде «алгаг-мактал өргүлүн» эккеп турар бис (Евр 13:15). Байдалывыстың аайы-биле биске хөйнү кылыры берге чадавас. Ындыг-даа болза, эң дээре чүүлдү бээривис Иеговага чугула.
Кадыың баксыраанындан азы күжүң сулараанындан ооң мурнунда ышкаш бараалгалга хөйнү кылып шыдавас апарган болзуңза, бо бодал сени канчаар сорук киирер-дир?
