Амгы үеде чугаа-соот солуннар, радио, телевидение болгаш интернет таварыштыр бүгү делегейге карак чивеш аразында тарай бээр апарган. Алыс шын Бурганның бараалгакчылары меге чугаа тарадырынга, билбейн безин, киржилгелиг болурун күзевес (Ыр 30:6; Хос 23:1). Хынавайн өске улуска информация дамчыдары улуг хораны чедирип болур. Информация шынныг деп хынаар дээш, бодуңдан айтыр:

• «Чугааның үнген дөзү бүзүрелдиг бе?» Чугаалаан кижи шупту фактыларны билбес чадавас. Аас дамчып келген төөгү дөмей-ле өскерли бээр. Ынчангаш информация эгезинден эвес болза, оваарымчалыг болуру чугула. Чыышта харыысалгалыг бараалгакчылар аажок серемчилелдиг болур ужурлуг, чүге дизе акы-угбалар оларга бүзүрээр.

• «Ол информация нүгүл бе?» Ол информация бир кижиниң адын карартып турар болза, ону дамчытпааны дээре (Уч 18:8; Фп 4:8).

• «Ол медээ шынга дөмей-дир бе?» Сенсациялыг медээлерге болгаш чугааларга бүзүрээринче далашпа.

«КАК ОСТАНОВИТЬ СПЛЕТНИ?» ДЕП ФЛОМАСТЕРЛИГ АНИМАЦИЯНЫ КӨРГЕШ, БО АЙТЫРЫГЛАРГА ХАРЫЫЛА:

• Чугаалар 12:18-тен алырга, сөстер кандыг салдарлыг болур?

• Өске улус дугайында чугаалажып турувуста, Филипчилерге 4:8-те дүрүм биске канчаар дузалап болур?

• Бир эвес өске улус дугайында чугаа эки эвес база кыжырыглыг апаар болза, канчаар алдынар болза эки?

• Бир кижиниң дугайында чугаалаарының бетинде, кижи бодундан чүнү айтырар ужурлуг?