2018 чылдың январь айдан эгелеп, «Чуртталгавыс болгаш бараалгалывыс» деп ажылчын кыдыраашта чугаалажырының аргалары бердинген. Кандыг сорулга-биле? Чүгле ном-дептер сүмелээринден аңгыда, суртаалга улус-биле чугаалажырынче кичээнгейивисти углаар дээш. Суртаалчыларга ындыг арганы шиңгээдип алырынга дуза кылдыр, чүгле Бурганның Сөзү-биле чугааны канчаар эгелээрин көргүскен видеороликтерни үндүрүп турар. Ол чүүл, бажыңнар кезиир суртаал ажылынга ном-дептерлерни (чижээлээрге, электроннуг хевирде) шуут ажыглавас дээни ол бе? Чок, болбайн канчаар. Чижээ, чугаа эгелеп алырынга буклеттерниң кайызы-даа тааржыр. Кандыг-даа буклет шилип алган болзуңза, дараазында схеманы ажыглап болур:

1. Буклеттиң бир дугаар арнында айтырыгны салгаш, харыыларын номчуп бер.

2. Ийи дугаар арынның эгезинде шүлүктү номчааш, библейжи харыыны көргүзүп бер. Бир эвес үең четчир болза, 2—3 дугаар арыннарда информацияны шилип номчааш, сайгар.

3. Чоруур бетинде чугаалажып турганың кижиге сөөлгү арында («Боданып көрүңерем» деп биче эгениң адаанда) айтырыгже кичээнгейни салгаш, библейжи харыыны дараазында сайгарар кылдыр дугуржуп ал.

Ийиги чугаа үезинде библейжи харыыны сайгаргаш, дараазында кандыг айтырыгны сайгарып болурун чугаалаш. Чугула айтырыгларны бистиң сайтывыстан азы буклеттиң сөөлгү арнында бижээн ном-дептерлерден тып ап болур. Чугаа үезинде таарымчалыг байдал тургустунуп кээр болза, «Добрая весть от Бога» деп брошюраны азы суртаалга ажыглаар херекселдер аразындан өске өөренир ном-дептерни ажыгла.