Найырал — хүндүткелге болгаш ынакшылга үндезилээн харылзаа. Ындыг найыралдың чижээ, Давид биле Ионафан. Кажан Давид Голиафты тиилеп каарга, олар чоок эжишкилер апарган (1Хн 18:1). Бот-боттарынга тааржыр шынарларлыг болган. Кижини эки билип алган тудум найырал быжыгар, а аңаа үе болгаш күжениишкиннер херек. Ынчалза-даа социал четкилерге кнопканы чаңгыс базыпкаш, бир кижи-биле «найыралдажып» ап болур. Канчаар чугаалажырын баш удур бодап алгаш, көрүксенчиг овур-хевирни чогааткаш, херек кырында бодунуң кандыызын чажырып алыры интернетке белен. Ынчангаш интернетке эштер шилиирде, бодунга дүрүмнер тургузуп алыры чугула. Улусту хомудадыптарындан кортпайн, социал четкилерге танывазың улус найыралдажыыл деп чалаарга, хүлээве. Ооң айыылын билгеш, чамдык улус ынаар шуут кирбес деп шиитпирлээн. Социал четкилерни ажыглап турар болзуңза, чүнүң дугайында сактыр болзуңза эки?

«СОЦИАЛ ЧЕТКИЛЕР. ЧАШ УРУГЛАР ДЕГ АЛДЫНМАҢАР!» ДЕП ВИДЕОНУ КӨРГЕШ, ХАРЫЫЛА:

• Социал четкиге чуруктар салып, комментарийлер бижиириниң мурнунда боданыры чүге чугула?

• Интернетке эш-өөр шилиирде бодамчалыг болуру чүге чугула?

• Социал четкилерге эрттирер үени чүге кызыгаарлаар болзуңза эки? (Эф 5:15, 16).