Ада-иези-биле чугаалажырда ажык болуру чүге чугула? (Уч 23:26). Чүге дизе Иегова оларга сени өөредирин, сагыш човаарын дааскан (Ыр 126:3, 4). Сагышсыралдарыңны болгаш бергелериңни чажырар болзуңза, сеңээ дузалажыры оларга берге апаар. Ындыг байдалда олар бодунуң амыдыралының дуржулгазы-биле үлежип шыдавас. Ынчаарга кандыг-бир бодалдарны чажырары багай боор бе? Албан ындыг болбас, ада-иеңден бир-ле чүвени чажырарын бодавайн турар болзуңза, ында багай чүве чок (Уч 3:32).

Аваң, ачаң-биле канчаар ажык чугаа кылып болур сен? Кайыңарга-даа эптиг үени шилип ал. Бир эвес болдунмас болза, ада-иеңниң кайы-бирээзинге сеткилиңни чагаа таварыштыр ажыдып болур сен. А бир эвес ада-иең сайгарыксавас айтырыың дугайында чугаалажыксап турар болза канчаар? Олар сеңээ дузалажыксап турарын утпа. Оларны дайзыннарың эвес, а эвилелчилериң кылдыр бода. Ада-иеңге сеткил чүрээңни ажыдарын кызар болзуңза, сеңээ кезээ мөңгеде ажыктыг болур (Уч 4:10—12).

«ЭЛЭЭДИ КИЖИНИҢ ЧУРТТАЛГАЗЫ. АДА-ИЕҢ-БИЛЕ КАНЧААР БИЛЧИП АП БОЛУР СЕН?» ДЕП ВИДЕОНУ КӨРГЕШ, ХАРЫЫЛА:

• Эстер биле Патрик чүнү билип каан?

• Иисустан чүнү өөренип ап болур сен?

• Ада-иең сен дээш канчаар сагыш човап чоруур?

• Ада-иең-биле билчип алырынга сеңээ кандыг библейжи дүрүмнер дузалаар?