E faaroo te Atua i te taata no te mau nunaa atoa. (Salamo 145:18, 19) Te faaitoito maira ta ˈna Parau te Bibilia ia faaite ia ˈna i to tatou mau peapea. (Philipi 4:6, 7) Te vai ra râ te mau pure ta te Atua e ore e au, mai te mau pure tamau-aau-hia.—A taio i te Mataio 6:7.

Eita atoa Iehova e au i te mau pure a te taata e haafaufaa ore i ta ˈna mau ture. (Maseli 28:9) I tahito ra, aita te Atua i faaroo i te mau Iseraela tei taparahi i te taata. E mea tia ia ite eaha te rave ia faaroo te Atua i ta tatou mau pure.—A taio i te Isaia 1:15.

Mea faufaa te faaroo no te haafatata i te Atua. (Iakobo 1:5, 6) Ia papu ia tatou e te vai mau ra e te tâuˈa maira oia e tia ˈi. Tei roto i te Parau a te Atua te mau parau fafau e haapapuraa o te reira. Ma te haapii i te Bibilia e noaa ˈi ia tatou te faaroo.—A taio i te Hebera 11:1, 6.

E mea tia ia haehaa e ia pure tatou ma te aau atoa. Noa ˈtu e o ˈna te Tamaiti a te Atua, ua pure Iesu ma te haehaa. (Luka 22:41, 42) Eiaha ïa e parau noa i ta te Atua e tia ia rave, e haapii anaˈe râ i ta ˈna mau titauraa ma te taio i te Bibilia. I muri aˈe, e pure tatou ma te haapao i to ˈna hinaaro.—A taio i te Ioane 1, 5:14.