Mea rahi râ te manaˈo ra e moemoeâ noa tera! A tupu ai te maˈi pee COVID-19, ua taui taue te oraraa o te taata, ua vevehia te rahiraa e e rave rahi atoa tei pohe. Aita ïa ratou e tiaturi ra e fanaˈo ratou i te hoê a muri aˈe papu.

No te papu ore o te oraraa, te imi nei te taata i te hoê oraraa maitai aˈe na roto i te mau ohipa maere mau aore ra te moni rahi. E rave rahi atoa te tiaturi nei e maoti te ite rahi e te taoˈa rahi, e fanaˈo ai ratou i te mau mea atoa ta ratou e hinaaro ra. Te manaˈo atoa ra vetahi e no te fanaˈo i te hoê oraraa maitai, e titauhia ia riro ei taata maitai.

Tera atoa anei to oe manaˈo? A feruri ïa i teie mau uiraa:

• E nehenehe anei e ite eaha te oraraa no a muri aˈe?

• E hopoi mai anei te haapiiraa teitei e te moni i te hoê a muri aˈe papu?

• E hopoi mai anei te riroraa ei taata maitai i te hoê a muri aˈe papu?

• Ihea e itehia ˈi te aratairaa no te fanaˈo i te hoê a muri aˈe papu?

E pahonohia teie mau uiraa i roto i teie Pare Tiairaa.