Te tâuˈa mau ra te Atua ia outou
I ROTO i te Bibilia tatou e ite ai i te mau aratairaa papu. Noa ˈtu e ere te Bibilia i te hoê buka rapaauraa, e nehenehe te reira e tauturu mai i te taime e ahoaho ai tatou, e tapitapi ai te feruriraa, e mauiui ai tatou e i te taime e roohia ˈi tatou i te fifi pae tino e feruriraa.
Te mea faufaa roa ˈtu â, te haapapu ra te Bibilia, o Iehova, a to tatou Atua poiete te taa maitai aˈe i to tatou mau manaˈo e huru aau. Ua ineine o ˈna i te tauturu ia tatou ia mau papu i mua i te mau fifi atoa. Teie mai e piti irava Bibilia faaitoito mau:
“Tei pihai iho Iehova i te feia o te mauiui ra, te faaora nei oia i te feia aau oto.”—SALAMO 34:18.
“Te haru nei hoi au, o Iehova to oe Atua, i to oe rima atau. O vau te parau nei ia oe: ‘Eiaha e mǎtaˈu. E tauturu vau ia oe.’”—ISAIA 41:13.
E nehenehe anei râ ta Iehova e tauturu mai ia roohia tatou i te maˈi manava? Mai ta outou e ite mai i roto i to muri nei mau tumu parau, te faaite ra Iehova e te tâuˈa mau ra o ˈna ia tatou na roto e rave rau ravea.
a O Iehova te iˈoa o te Atua.—Salamo 83:18.
