Mai te mau putuputuraa atoa a te amuiraa, e faanahoraa faaitoito mau te mau putuputuraa no te pororaa no ǒ mai ia Iehova. (Heb 10:24, 25) E faaterehia te reira i te hoê roaraa pae aore ra hitu minuti. E faanahohia te mau pǔpǔ, e horoahia te mau tuhaa fenua no te pororaa e e faaotihia te reira na roto i te pure. (Mai te peu te vai ra te tahi atu putuputuraa i muri aˈe, e haapotohia te reira.) E faaineine te taeae maitihia no te faatere i teie putuputuraa i te hoê tumu parau faaitoito mau no te feia atoa i tae mai. Ei hiˈoraa, i te putuputuraa o te mahana maa, e nehenehe te taeae e faahiti i te tahi mau manaˈo tauturu peneiaˈe no te haamata i te hoê aparauraa. No te feia iho â râ tei ore i tae mai i te mau putuputuraa no te pororaa i roto i te hebedoma. Eaha te tahi atu mau tumu parau te nehenehe e hiˈohia i roto i te mau putuputuraa no te pororaa?

• Te hoê hiˈoraa no te aparauraa i roto i te Faaineineraa no te putuputuraa Oraraa e taviniraa Kerisetiano

• E nafea ia haamata i te hoê aparauraa no nia i te hoê mea i tupu aita i maoro aˈenei

• E nafea ia pahono i te hoê patoiraa

• E nafea ia pahono i te hoê taata o te ore e tiaturi ra i te Atua, o te tiaturi ra e ua tupu noa mai te mau mea atoa, o te paraparau ra i te tahi atu reo aore ra i te hoê taata e haapaoraa ê ta ˈna tei ore i matauhia i roto i ta tatou tuhaa fenua

• E nafea ia faaohipa i te reni natirara jw.org, te JW Library^® aore ra te Bibilia

• E nafea ia faaohipa i te hoê papai o ta tatou Mauhaa no te taviniraa

• E nafea ia faaite i te poroi i te taata maoti te niuniu paraparau e te rata, i te vahi taata, i te mau farerei-faahou-raa e i te mau haapiiraa Bibilia

• Haamanaˈoraa no nia i te parururaa, te faatanoraa, to tatou huru e te tahi atu mau tuhaa

• Te hoê haapiiraa aore ra video o te buka rairai A haamataro i te taio e te haapii atu

• E nafea ia faaitoito e ia tauturu te tahi i te tahi i roto i te pororaa

• Te hoê irava aore ra faatiaraa o te faaitoito ia tatou i roto i te pororaa