Ua titauhia e rave rahi tutavaraa e haamâu‘araa no te patu i te hiero i Iseraela. Ua turu râ te mau ati Iseraela i te reira ma te itoito rahi. (Pa1 29:2-9; Pa2 6:7, 8) Ia oti te paturaa, ua faaite te atuaturaa i te hiero i te huru pae varua o te mau ati Iseraela. (Ar2 22:3-6; Pa2 28:24; 29:3) I teie mahana, e rave te mau Kerisetiano i te taime e i te mau tutavaraa no te patu, tamâ e atuatu i te mau Piha a te Basileia e te mau Piha tairururaa. A na reira ’i, e ohipa ratou e o Iehova. E fana‘oraa taa ê mau hoi te reira e e tuhaa atoa o ta tatou taviniraa mo‘a.—Sal 127:1; Apo 7:15.

• Tamâ i te vahi i muri a‘e i te putuputuraa taitahi. Aita ana‘e râ oe e nehenehe e rave hau atu â, ia vai mâ noa te vahi i reira oe i parahi ai.

• Tamâ e ma te atuatu tamau i te Piha a te Basileia. E vitiviti e e oaoa te ohipa ia rahi te rima tauturu.—lv 92-93 par. 18.

• Turu atu i te pae moni. Noa ’tu e e piti moni rii ta tatou e horoa ma to tatou aau atoa, e oaoa Iehova.—Mk 12:41-44.

• Tauturu i roto i te paturaa e te faaapîraa i te mau piha o te faanahonahoraa, ia au i to tatou tupuraa. Aita e titauhia ia aravihi tatou i roto i te ohipa paturaa.