E haamata tatou i te opere i te mau titau-manihini-raa no te Oroa haamana‘oraa i te poheraa o Iesu i te 27 no Fepuare. E titau manihini tatou i te mau taata atoa o te tuhaa fenua no teie oroa. E tia atoa ia ho‘i faahou tatou e farerei i te taata tei faaite i te anaanatae.

A TITAU MANIHINI I TE TAATA

“Te opere nei matou i teie titau-manihini-raa i te hoê tupuraa faufaa roa. I te 23 no Mati, e putuputu mai e mirioni taata na te ao nei no te haamana‘o i te poheraa o Iesu Mesia e no te faaroo i te hoê oreroraa parau Bibilia tamoni ore no te ite e nafea tatou e faufaahia ’i i to ’na pohe. E faaite teie titau-manihini-raa i te hora e te vahi e faatupuhia ’i te reira i ǒ tatou nei. A haere mai ia vata mai oe.”

Ia anaanatae te taata . . .

• A PÛPÛ I TE PARE TIAIRAA

  A faaineine i te taata no te farerei faahou ia ’na.

• A PATA I TE VIDEO NO NIA I TE OROA HAAMANA‘ORAA

  A faaineine i te taata no te farerei faahou ia ’na.

Ia ho‘i faahou oe e farerei ia ’na, e nehenehe oe e . . .

• A PATA I TE VIDEO NO TE AHA E HAAPII AI I TE BIBILIA?

  I muri iho, a pûpû ia ’na i te hoê papai haapiiraa Bibilia.

• A PÛPÛ I TE BUKA EAHA TA TE BIBILIA E HAAPII MAU RA?

  A faaite i te mau haamaramaramaraa hau no nia i te Oroa haamana‘oraa ma te faaohipa i te mau api 206-208. I muri iho a pûpû i te buka.

• A PÛPÛ I TE BUKA RAIRAI FAAROO I TE ATUA

  A tauaparau no nia i te auraa o to Iesu poheraa ma te faaohipa i te mau api 18-19. I muri iho, a pûpû i te buka rairai.