HAAPIIRAA 24
Eaha te parau mau no nia i te mau melahi?
Te hinaaro ra o Iehova ia haapii te taata no nia i to ˈna utuafare i te raˈi. Te vai ra “te mau tamaiti . . . a te Atua,” oia hoi te mau melahi. (Ioba 38:7) Eaha ta te Bibilia e haapii ra no nia i te mau melahi? Nafea te mau melahi e ohipa ˈi i nia i te mau taata? No te utuafare o te Atua anei pauroa te mau melahi?
1. O vai te mau melahi?
Hou Iehova a hamani ai i te fenua, ua poiete oia i te mau melahi. Mai ia Iehova, e varua atoa te mau melahi o te ora ra i te raˈi. (Hebera 1:14) E mirioni melahi, e mea taa ê te tahi i te tahi atu. (Apokalupo 5:11) O te mau melahi “te faatupu ra i ta [Iehova] parau, a auraro ai i ta ˈna faaueraa.” (Salamo 103:20) I tahito ra, ua tono Iehova i ta ˈna melahi no te hopoi i ta ˈna poroi, no te tauturu e no te faaora i to ˈna mau tavini. I teie mahana, te aratai atoa ra te mau melahi i te mau Kerisetiano i te feia e hinaaro ra e ite no nia i te Atua.
2. O vai o Satani e ta ˈna mau demoni?
Ua taiva te tahi mau melahi ia Iehova. Te melahi matamua tei orure hau, teie ïa “tei piihia te Diabolo e Satani, o te haavare nei i to te ao atoa nei.” (Apokalupo 12:9) Aita Satani i hinaaro noa e faatere ia vetahi ê, ua turai atoa râ oia ia Adamu raua Eva e te mau melahi tei piihia i muri aˈe te mau demoni, ia faaroo ore ia Iehova. Eaha ta Iehova i rave? Ua huri Iehova ia ratou mai te raˈi mai i te fenua nei e e haamouhia ratou.—A taio i te Apokalupo 12:9, 12.
3. Nafea Satani e ta ˈna mau demoni e tamata ˈi i te haavare ia tatou?
Te haavare nei Satani e ta ˈna mau demoni i te taata ma te faaohipa i te peu tahutahu, oia hoi te tamataraa i te paraparau tia roa ˈtu i te mau varua. Ei hiˈoraa, te haere nei te tahi mau taata e hiˈo i te feia hiˈo fetia no te tohu i te ananahi, te feia hiˈohiˈo, te mau demoni hiˈohiˈo e te mau taata tahutahu. Te imi ra vetahi i te tahi atu rapaauraa o te titauhia i te ohipa a te mau tahutahu. Ua turai-atoa-hia te tahi mau taata ia tiaturi e e nehenehe ratou e paraparau i te feia tei pohe. Tera râ, te faaara mai ra Iehova: “Eiaha outou e fariu i te feia e demoni hiˈohiˈo to ratou, e eiaha e haere e hiˈo i te feia hiˈohiˈo.” (Levitiko 19:31) Te horoa mai ra Iehova i teie mau faaararaa no te paruru ia tatou i te mana o Satani e ta ˈna mau demoni. E enemi atoa ratou no te Atua e te hinaaro ra ratou e haamauiui ia tatou.
A FAAHOHONU ATU Â
A haapii no nia i te ohipa maitai ta te mau melahi e rave ra, te ohipa atâta o te peu tahutahu e e nafea ia paruru ia tatou iho ia Satani e te mau demoni.
4. Te tauturu ra te mau melahi i te taata ia haapii no nia ia Iehova
Eita te mau melahi e paraparau tia roa ˈtu i te taata. E aratai râ ratou i te mau tavini a te Atua i te feia e hinaaro ra e haapii no nia ia Iehova. A taio i te Apokalupo 14:6, 7, e a aparau i teie mau uiraa:
-
No te aha e titauhia te tauturu a te mau melahi no te poro?
-
No oe, e faaitoito anei râ te reira ia oe ia ite e te aratai ra te mau melahi ia oe i te feia e hinaaro ra e faaroo no nia i te Bibilia? No te aha?
5. A patoi i te peu tahutahu
E enemi o Satani e te mau demoni no Iehova e no tatou atoa. A taio i te Luka 9:38-42, e a aparau i teie uiraa:
-
Eaha ta te mau demoni e rave ra i nia i te mau taata?
Eita tatou e hinaaro e farii i te mau demoni i roto i to tatou oraraa. A taio i te Deuteronomi 18:10-12, e a aparau i teie mau uiraa:
-
Eaha ta te mau demoni e rave ra no te faahema ia tatou e no te paraparau mai ia tatou? Eaha te mau peu e ravehia ra i to tatou nei vahi?
-
Mea tano anei to Iehova opani-etaeta-raa i te mau peu tahutahu? No te aha?
A pata i te VIDEO, e a aparau i te mau uiraa i muri nei.
-
No oe, mea ino anei te taoˈa manamana i nia i te rima o te tamahine a Palesa? No te aha?
-
Eaha te tauturu ta Palesa i hinaaro no te paruru ia ˈna i te mau demoni?
Ua patoi noa te mau Kerisetiano mau i te mau demoni. A taio i te Ohipa 19:19 e te Korinetia 1, 10:21, e a aparau i teie uiraa:
-
No te aha mea faufaa ia faaore i te mau huru peu tahutahu atoa?
6. E nehenehe tatou e upootia i nia ia Satani e ta ˈna mau demoni
Na Satani e aratai ra i te mau demoni. Area te mau melahi taiva ore, na te melahi rahi ïa o Mihaela, te tahi atu iˈoa o Iesu, e aratai ia ratou. Mai teihea te puai o Mihaela? A taio i te Apokalupo 12:7-9, e a aparau i teie mau uiraa:
-
O vai te mea puai aˈe, Mihaela e ta ˈna mau melahi aore ra Satani e ta ˈna mau demoni?
-
No oe, mea titauhia anei i te mau pǐpǐ a Iesu ia mǎtaˈu ia Satani e ta ˈna mau demoni?
E nehenehe oe e upootia i nia ia Satani e ta ˈna mau demoni. A taio i te Iakobo 4:7, e a aparau i teie uiraa:
-
E nafea oe e nehenehe ai e paruru ia oe ia Satani e te mau demoni?
TE MANAˈO O VETAHI: “E ere hoi i te mea ino ia hauti i te mau hauti video aore ra ia mataitai i te mau hohoˈa teata no nia i te peu tahutahu. E hauti noa hoi tera.”
-
No te aha mea atâta teie huru feruriraa?
HAAPOTORAA
Te tauturu mai ra te mau melahi taiva ore ia tatou. E enemi o Satani e ta ˈna mau demoni no Iehova e te faaohipa ra ratou i te peu tahutahu no te haavare i te taata.
Haamanaˈoraa
-
E nafea te mau melahi a Iehova e tauturu ai i te taata ia haapii no nia ia ˈna?
-
O vai o Satani e ta ˈna mau demoni?
-
No te aha eiaha tatou e rave i te tahi noa ˈˈe ohipa e peu tahutahu to roto?
HIˈOPOA
A hiˈo te haapapuraa e o Iesu te melahi rahi ra o Mihaela.
A hiˈo te haapapuraa e ere te Diabolo i te mea mau.
A hiˈo mea nafea te hoê vahine i te tiamâraa mai i te mana a te mau demoni.
“Ua itea ia ˈna i te hoê tumu i roto i to ˈna oraraa” (Te Pare Tiairaa 1 no Tiurai 1993)
A haapii mea nafea Satani e faaohipa ˈi i te peu tahutahu no te haavare i te taata.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
