HAAPIIRAA 12
Eaha te tauturu ia oe ia tamau i te haapii i te Bibilia?
Mea faufaa ia haapii i te Bibilia, tera râ, e ere paha i te mea ohie noa. I te tahi mau taime e uiui paha oe e tutava anei au i te haapii i te Bibilia. Eaha te tauturu ia oe ia faaoromai noa ˈtu te mau haafifiraa?
1. No te aha mea faufaa ia haapii i te Bibilia?
“E mea ora hoi te parau a te Atua e te puai rahi.” (Hebera 4:12) Ia ite oe mea faufaa te Bibilia no te mea te faaite ra te reira i te mau manaˈo o te Atua e i to ˈna mau huru aau no oe. E tauturu ïa te reira ia oe ia noaa eiaha noa te ite, oia atoa râ te paari mau e te tiaturiraa. Te mea faufaa roa, e tauturu te Bibilia ia oe ia riro ei hoa no Iehova. Ia haapii oe i te Bibilia, e vaiiho oe i teie puai ia haamaitai i to oe oraraa.
2. No te aha mea faufaa ia ite i te faufaaraa o te pue parau mau Bibilia?
Mai te taoˈa rahi ra te pue parau mau i roto i te Bibilia. E faaitoitoraa ïa te reira no tatou ia “hoo mai i te parau mau e eiaha roa e hoo atu i te reira.” (Maseli 23:23) Noa ˈtu te mau haafifiraa, ia haamanaˈo noa tatou i te faufaaraa o te pue parau Bibilia e ia tamau i te haapii noa i te Bibilia.—A taio i te Maseli 2:4, 5.
3. Nafea Iehova e nehenehe ai e tauturu ia oe ia tamau i te haapii noa i te Bibilia?
E hinaaro Iehova, to oe Atua poiete, Manahope e Hoa ia haapii oe no nia ia ˈna ma te horoa mai i “te hinaaro e te puai no te rave i te mau mea atoa ta ˈna e au.” (A taio i te Philipi 2:13.) No reira oia e tauturu ai ia oe, i te mau taime e hinaaro ai oe e haapii aore ra e faaohipa i ta oe e haapii. E horoa mai oia i te puai no te faaruru i te mau fifi aore ra te patoiraa. A tamau i te pure ia Iehova no te tauturu mai ia oe ia haapii noa i te Bibilia.—Tesalonia 1, 5:17.
A FAAHOHONU ATU Â
Nafea oe e nehenehe ai e haapii noa i te Bibilia noa ˈtu mea rahi ta oe ohipa aore ra te patoiraa a vetahi? E hiˈo anaˈe nafea Iehova e tauturu ia oe ia na reira.
4. A haafaufaa na mua roa i ta oe haapiiraa Bibilia
Te tahi mau taime, e manaˈo paha tatou e ua rahi roa ta tatou ohipa e aita faahou e taime no te haapii i te Bibilia. Na te aha e tauturu mai? A taio i te Philipi 1:10, e a aparau i teie mau uiraa:
-
Eaha to oe manaˈo no te mau “mea faufaa roa ˈˈe” i roto i te oraraa?
-
Nafea oe e nehenehe ai e haafaufaa na mua roa i ta oe haapiiraa Bibilia?
-
Mai te peu e faaî oe i te hoê patete e te one e a tamata ˈtu ai i te tuu i te mau ofai, eita te mau ofai e ô
-
Mai te peu e tuu na mua oe i te mau ofai, e nehenehe ïa oe e tuu i te rahiraa o te one i roto. Oia atoa, ia tuu na mua roa oe i “te mea faufaa roa ˈˈe” i roto i to oe oraraa, e nehenehe oe e rave pauroa i te reira e e taime atoa ïa to oe no te tahi atu mau ohipa
E nehenehe te haapiiraa i te Bibilia e haamâha i to tatou hinaaro i te pae varua ia nehenehe tatou e ite o vai te Atua a haamori atu ai ia ˈna. A taio i te Mataio 5:3, e a aparau i teie uiraa:
-
Eaha te mau haamaitairaa e noaa mai ia haafaufaa tatou na mua roa i te haapiiraa Bibilia?
5. A faaoromai i mua i te patoiraa
I te tahi mau taime, e turai paha vetahi ia oe ia faaea i te haapii i te Bibilia. A tapao na i ta Francesco i faaruru. A pata te VIDEO, e a aparau i te mau uiraa i muri nei.
-
I roto i te video, eaha te huru o te mau hoa e fetii o Francesco i to ˈna faaiteraa i ta ˈna e haapii ra?
-
Eaha te haamaitairaa ta ˈna i ite no to ˈna faaoromairaa?
A taio i te Timoteo 2, 2:24, 25, e a aparau no nia i teie mau uiraa:
-
Eaha te huru o to oe fetii e hoa no nia i ta oe e haapii ra?
-
Ia au i teie mau irava, nafea oe e pahono ai aita anaˈe te tahi taata e farii ia haapii oe i te Bibilia? No te aha?
6. A tiaturi e tauturu mai Iehova ia oe
Ta tatou fa, ia faafatata ia Iehova, ia rahi atu â to ˈna oaoa ia tatou. Mea fifi paha no tatou ia faatitiaifaro i te tahi mau mea i roto i to tatou oraraa ia nehenehe tatou e ora ia au i te hinaaro o Iehova. Ia manaˈo oe mai te reira, eiaha e tuu. E tauturu mai Iehova ia oe. A pata i te VIDEO, e a aparau i te mau uiraa i muri nei.
-
I roto i te video, eaha ta Jim i rave no te faaoaoa ia Iehova?
-
Eaha ta oe i au roa i to ˈna hiˈoraa?
A taio i te Hebera 11:6, e a aparau i teie mau uiraa:
-
Eaha ta Iehova e rave no te feia e “imi maite nei ia ˈna” oia hoi, te feia e tutava ra i te ite o vai o ˈna e i te faaoaoa ia ˈna?
-
Eaha ta oe e haapii ra no nia ia Iehova ia ite oia i ta oe mau tautooraa no te haapii i te Bibilia?
TE MANAˈO O VETAHI: “No te aha oe e haapii ai i te Bibilia?”
-
Nafea oe e pahono ai?
HAAPOTORAA
Noa ˈtu e ere noa i te mea ohie, e nehenehe ra te haapiiraa i te Bibilia e tauturu ia oe ia ora e a muri noa ˈtu. A tamau ïa i te tiaturi ia Iehova e na ˈna e haamaitai ia oe.
Haamanaˈoraa
-
No te aha e taoˈa rahi te pue parau mau Bibilia no oe?
-
Nafea oe e taa maitai ai “eaha te mea faufaa roa ˈˈe”?
-
No te aha mea faufaa ia ani oe ia Iehova ia tauturu mai ia tamau i te haapii i te Bibilia?
HIˈOPOA
A hiˈo na, i na maha ravea o tei tauturu e rave rahi taata o te faaohipa maitai i to ratou taime.
“E nafea ia faaohipa maitai i to oe taime?” (A ara mai na! Mati 2014)
A tapao na, nafea Iehova i te tautururaa i te hoê vahine o te tautoo ra i te faaoaoa ia Iehova noa ˈtu aita ta ˈna tane i taa roa i ta ˈna mau tutavaraa.
E horoa mai Iehova i te puai no te amo i ta tatou mau hopoia (5:05)
A hiˈo na, nafea te hoê tane i faufaahia ˈi i te faaoromai o ta ˈna vahine.
Te tahi mau taime, e parihia te mau Ite no Iehova o ratou te tumu e amahamaha ˈi te mau utuafare. Tera iho â anei?
“E faataa ê anei te mau Ite no Iehova i te mau utuafare?” (Tumu parau natirara)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
