A HAAMATA I TE HOÊ APARAURAA
HAAPIIRAA 5
Te faatura
Faaueraa tumu: “Ei parau nehenehe noa ta outou.”—Kol. 4:6.
Eaha ta Paulo i rave?
1. A hiˈo i te VIDEO aore ra a taio i te Ohipa 17:22, 23. E a aparau i teie mau uiraa:
-
Eaha to Paulo manaˈo no te mau peu a te haapaoraa hape i Ateno?—A hiˈo i te Ohipa 17:16.
-
Ma te ore e faahapa i to Ateno, mea nafea Paulo i te faaiteraa i te parau apî oaoa ma te faaohipa i ta ratou mau tiaturiraa?
Eaha te haapii mai i to Paulo hiˈoraa?
2. E faaroo mai iho â te taata ia paraparau tatou ma te tano.
A pee i to Paulo hiˈoraa
3. A maiti maitai i te parau. Ei hiˈoraa, ia poro oe i te tahi taata e mea taa ê ta ˈna haapaoraa, a haapao maitai ia faaohipa oe i te Bibilia aore ra ia faahiti oe ia Iesu.
4. Eiaha e ru i te faaafaro i te manaˈo o te taata. A faaroo maite ia ˈna. Ia ore ta ˈna parau e tano i te manaˈo o te Bibilia, eiaha e mârô atu. (Iak. 1:19) Ma te au noa, e ite oe i to ˈna mau manaˈo.—Mas. 20:5.
5. Mai te peu e nehenehe, a farii e a haapopou. No ˈna, mea tano ta ˈna mau tiaturiraa. A faaau i te hoê tumu parau e a faaite riirii i ta te Bibilia e haapii ra.
