Omuaraa parau o te tuhaa 3
I roto i te Bibilia, mea varavara roa te iˈoa o te feia tei tavini ia Iehova i te mau matahiti i muri aˈe i te diluvi. I roto i te feia tei tavini ia ˈna, te vai ra o Aberahama. Ua matauhia oia mai te hoa no Iehova. No te aha? E metua anei oe? A tauturu i ta oe tamarii ia taa e te haapao ra Iehova ia ˈna e te hinaaro ra oia e tauturu ia ˈna. Mai ia Aberahama e te tahi atu mau tane faaroo, o Lota anei aore ra o Iakoba, e nehenehe tatou e ani i to Iehova tauturu i te mau taime atoa. E nehenehe e tiaturi e e faatupu iho â Iehova i te mau parau atoa ta ˈna i fafau.
I ROTO I TEIE TUHAA
HAAPIIRAA 7
Te pare o Babela
Ua faaoti vetahi mau taata i te patu i te hoê oire e i te tahi pare ia nehenehe to ˈna niaraa e tapae i te raˈi. No te aha te Atua i faahuru ê tauê ai i to ratou reo?
HAAPIIRAA 8
Ua faaroo Aberahama raua Sara i te Atua
No te aha Aberahama raua Sara i faarue ai i to ratou oraraa i te oire no te ora ei purutia i te fenua no Kanaana?
HAAPIIRAA 9
E tamaiti ta raua!
E nafea te Atua i faatupu ai i ta ˈna i fafau ia Aberahama? O vai te tamaiti a Aberahama o te faaohipahia no tera parau fafau: o Isaaka aore ra o Isemaela?
HAAPIIRAA 10
A haamanaˈo i te vahine a Lota
Ua faatopa Iehova i te auahi mai te raˈi mai i nia ia Sodoma e Gomora. No te aha tera na oire i haamouhia ˈi? No te aha e mea titauhia ˈi ia haamanaˈo i te vahine a Lota?
HAAPIIRAA 11
Ua tamatahia to faaroo
Ua parau te Atua ia Aberahama: ‘A rave na i ta oe tamaiti otahi e a pûpû ia ˈna ei tusia i nia i te hoê mouˈa i te fenua o Moria.’ Ua tamatahia to Aberahama faaroo. E nafea oia i faaruru ai i te reira?
HAAPIIRAA 12
Na Iakoba i fanaˈo i te tufaa
E tamaiti maehaa ta Isaaka raua Rebeka. O Esau e o Iakoba. Na Esau e fanaˈo i te tufaa taa ê inaha o oia te matahiapo. No te aha oia i horoa ˈi i te reira no te hoê noa maa uteute?
HAAPIIRAA 13
Ua faatupu Iakoba raua Esau i te hau
Nafea Iakoba i fanaˈo ai i te haamaitairaa no ô mai i te hoê melahi? E e nafea oia i faatupu ai i te hau e o Esau?
