E nafea to tatou utuafare e oaoa ˈi?
Maoti anei . . .
-
te here?
-
te moni?
-
te tahi atu mea?
TA TE BIBILIA E PARAU RA
“Mea oaoa aˈe te feia e faaroo e e haapao i te parau a te Atua!”—Luka 11:28, Huriraa o te ao apî.
EAHA TE AURAA NO OE?
Te iteraa i te here mau.—Ephesia 5:28, 29.
Te noaaraa i te faatura mau.—Ephesia 5:33.
Te fanaˈoraa i te auhoêraa mau.—Mareko 10:6-9.
E NEHENEHE ANEI E TIATURI I TA TE BIBILIA E PARAU RA?
E. Teie e piti tumu:
-
O te Atua te Tumu o te oraraa utuafare. Ia au i te Bibilia, maoti te Atua ra o Iehova i ‘mairihia ˈi te iˈoa o te mau fetii atoa.’ (Ephesia 3:14, 15) Te vai ra ïa te oraraa utuafare no te mea ua haamau Iehova i te reira. E tumu faufaa teie. No te aha?
A feruri na: Ia amu oe i te maa au mau e ia hinaaro oe e ite eaha tei tuuhia i roto, o vai ta oe e uiui? I te taata iho â i faaineine i te reira.
Oia atoa, no te ite eaha te titauhia ia oaoa to tatou utuafare, mea maitai ia imi i ta Iehova aratairaa. O ˈna hoi te Tumu o te oraraa utuafare.—Genese 2:18-24.
-
Te tâuˈa ra te Atua ia outou. E haerea paari ia imi te utuafare i te aˈoraa a Iehova i roto i ta ˈna Parau. No te aha? “No te mea te haapeapea mai ra oia no outou.” (Petero 1, 5:6, 7) E maitai noa outou ia pee outou i ta Iehova mau aˈoraa. Tera hoi ta ˈna e hinaaro ra.—Maseli 3:5, 6; Isaia 48:17, 18.
A FERURI NA
E nafea ia riro ei tane faaipoipo, vahine faaipoipo aore ra metua maitai?
Tei roto te pahonoraa i te EPHESIA 5:1, 2 e te KOLOSA 3:18-21.
E au atoa outou . . .
TE PAHONO RA TE BIBILIA
Eaha ta te Bibilia e parau ra no nia i te faaipoiporaa?
E nehenehe te mau faaueraa tumu Bibilia e tauturu i te feia faaipoipo ia ape aore ra ia faaruru i te mau fifi.
TE PAHONO RA TE BIBILIA
E tauturu mai anei te Bibilia ia oaoa to ˈu utuafare?
Ua tauturu aˈena te mau aˈoraa Bibilia î i te paari e mirioni tane e vahine ia fanaˈo i te hoê utuafare oaoa.
NO NIA IA MATOU
No te aha e haapii ai i te Bibilia?
E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
