Salamo 94:1-23
94 E te Atua tahoo, e Iehova,+E te Atua tahoo, ia anaana oe!
2 A tia mai, e te Haava o te fenua.+
A rave i te mea e tano ia rave i nia i te feia teoteo.+
3 Ehia maororaa te feia ino, e Iehova,Ehia maororaa te feia ino e oaoa ˈi?+
4 Te parau noa ra ratou i te parau faateniteni.Te faatietie ra te feia ohipa ino ia ratou iho.
5 Te taataahi ra ratou i to nunaa, e Iehova,+E te haavî nei ratou i to tuhaa.
6 Te haapohe nei ratou i te vahine ivi e te taata ê,E te taparahi pohe ra ratou i te tamarii aita e metua tane.
7 Te parau nei ratou: “Aita Ia e ite ra,+Aita te Atua o Iakoba e haapao mai ra.”+
8 Ia taa ia outou, e te feia aita e feruriraa,E te feia maamaa, afea outou e faatupu ai i te haroˈaroˈa?+
9 Tei hamani* i te tariˈa, eita anei oia e faaroo?
Tei hamani i te mata, eita anei oia e ite?+
10 Tei aˈo i te mau nunaa, eita anei oia e tamaˈi?+
Na ˈna e horoa i te ite i te taata!+
11 Ua ite Iehova i te manaˈo o te taata,Ua ite oia e aho noa te reira.+
12 E oaoa te taata ta oe e aˈo ra, e Ia,+Ta oe e haapii ra i ta oe ture,+
13 No te faafanaˈo ia ˈna i te hau i te mahana atiE ô-noa-hia ˈtu te tahi apoo no te feia ino.+
14 Eita hoi Iehova e faarue i to ˈna nunaa,+Eita atoa oia e vaiiho i ta ˈna tuhaa.+
15 E haamau-faahou-hia te haavaraa parau-tia,E e haapao te taata aau tia atoa i te reira.
16 O vai te tia no ˈu i mua i te feia ino?
O vai te turu ia ˈu i mua i te feia ohipa ino?
17 Ahani e ere o Iehova ta ˈu tauturu,Ua pohe oioi* ïa vau.+
18 I to ˈu parauraa: “Te hee ra to ˈu avae,”
Ua tamau to here taiva ore i te turu ia ˈu, e Iehova.+
19 I te rahi-roa-raa to ˈu ahoaho,*Ua tamahanahana e ua tamǎrû oe ia ˈu.+
20 E ore oe e apiti atu i te mau faatere* iino,Te opua ra hoi ratou e faatupu i te peapea ma te ture.*+
21 Te aro uˈana nei ratou i te taata parau-tia+E te faautua nei ratou i te taata hapa ore i te pohe.+
22 E riro râ Iehova ei haapuraa papu no ˈu,E mato haapuraa to ˈu Atua no ˈu.+
23 E faahoˈi oia i ta ratou mau ohipa iino i nia iho ia ratou.+
E haamou* oia ia ratou i to ratou iho ino.
E haamou* to matou Atua Iehova ia ratou.+
Nota i raro i te api
^ Heb: “tanu.”
^ Heb: “parahi mamû.”
^ Aore ra “to ˈu mau manaˈo tapitapi.”
^ Aore ra “haava.”
^ Aore ra “faaueraa mana.”
^ Heb: “haamamû.”
^ Heb: “haamamû.”
