Salamo 80:1-19
Na te aratai o te feia himene, i nia i “Te mau lili.” E haamanaˈoraa. Salamo a Asapha.+
80 E te Tiai o Iseraela, a faaroo mai,Oe o te aratai ra ia Iosepha mai te hoê nǎnǎ.+
Oe o te parahi ra i nia i te terono i nia ˈˈe* i te mau kerubi,+Ia anaana oe.
2 I mua ia Epheraima e Beniamina e Manase,A faaite i to puai rahi.+A haere mai e a faaora ia matou.+
3 E te Atua, a farii faahou mai ia matou.+Ia anaana to aro i nia ia matou, ia faaorahia matou.+
4 E te Atua o te mau nuu,* e Iehova, ehia maororaa e ama ˈi to oe riri ia pure to nunaa ia oe?+
5 Te faaamu nei oe ia ratou i te roimata ei faraoa na ratou,Te faainu nei oe ia ratou i te roimata aita e faitoraa.
6 Te vaiiho nei oe i te mau nunaa tapiri ia aimârô no nia ia matou.Te faaooo noa nei to matou mau enemi ia matou mai ta ratou e hinaaro.+
7 E te Atua o te mau nuu, a farii faahou mai ia matou.Ia anaana to aro i nia ia matou, ia faaorahia matou.+
8 Ua faahaere ê atu oe i te hoê tumu vine+ mai Aiphiti mai.
Ua tiahi oe i te mau nunaa e ua tanu oe ia ˈna.+
9 Ua faaateatea oe i te hoê vahi no ˈna,Ua aˈahia e ua î te fenua ia ˈna.+
10 Ua tapoˈihia te mau mouˈa i to ˈna marumaru,E te mau tumu arezi a te Atua i to ˈna mau amaa.
11 Ua toro to ˈna mau amaa tae roa ˈtu i te miti,E to ˈna mau omou i te Anavai.*+
12 Eaha oe i vavahi ai i te aua ofai o te faaapu vine,+A pofai atu ai te taata atoa e haere ra na reira i to ˈna maa?+
13 Te tuino ra te mau puaa oviri o te uru raau i te reira,E i reira te mau animara oviri o te fenua e amu ai i te maa.+
14 E te Atua o te mau nuu, a hoˈi mai.
A hiˈo mai na mai te raˈi mai e ia ite oe!
A haapao i teie tumu vine,+
15 Te raau ta to rima atau i tanu,+E a hiˈo i te tamaiti* ta oe i haapuai no oe.+
16 Te ama ra te reira i te auahi,+ te tâpûhia ra.
Te pohe nei te taata i ta oe tamaˈiraa.*
17 Ia turu to rima i te tane i to rima atau ra,I te tamaiti a te taata nei ta oe i haapuai no oe.+
18 Eita ïa matou e fariu ê atu ia oe.
A faaherehere i to matou ora, ia tiaoro matou i to iˈoa.
19 E te Atua o te mau nuu, e Iehova, a farii faahou mai ia matou.Ia anaana to aro i nia ia matou, ia faaorahia matou.+
Nota i raro i te api
^ Huri-atoa-hia “ropu.”
^ Aore ra “sabaota.”
^ Oia hoi Eupharate.
^ Aore ra “amaa.”
^ Heb: “i te tamaˈiraa o to aro.”
