Salamo 73:1-28
Salamo a Asapha.+
73 Mea maitai mau te Atua i nia ia Iseraela, i nia i te feia aau viivii ore.+
2 Ua fatata roa râ to ˈu avae i te hahi ê.Ua fatata roa to ˈu avae i te hee.+
3 Ua pohehae hoi au i te feia teoteo*A ite ai au i te hau o te feia ino.+
4 Aita hoi ratou e mauiui ra ia pohe ratou.Mea maitai to ratou tino.+
5 Aita ratou e haapeapea ra mai te tahi atu mau taata,+Aita atoa ratou e mauiui ra mai te tahi atu mau taata.+
6 No reira, o te teoteo to ratou fifi arapoa,+Ua vehîhia ratou i te hamani-ino-raa ei ahu.
7 Te faura mai ra to ratou mata i rapae no te rahi o te maitai ta ratou e fanaˈo ra.*Ua hau aˈe te reira i te mau manaˈo o to ratou aau.
8 Te faaooo ra ratou e te parau ra i te mea ino.+
Ma te teoteo, te haamǎtaˈu ra ratou i te haavî ia vetahi ê.+
9 Te paraparau ra ratou mai te mea ra e mea teitei ratou mai te raˈi,E te hahaere nei to ratou arero na te fenua taatoa.
10 Te fariu ra ïa te nunaa o te Atua ia ratou ra,E te inu ra ratou i ta ratou pape e rave rahi.
11 Te parau ra ratou: “Mea nafea te Atua e ite ai i te tupu ra?+
E ite mau anei to Tei Teitei Roa ˈˈe?”
12 Tera te huru o te feia ino, e oraraa ohie to ratou.+
Te faarahi noa ra ratou i ta ratou faufaa.+
13 Mea faufaa ore to ˈu tapearaa i te hoê aau viivii oreE to ˈu horoiraa i to ˈu rima i te hara ore.+
14 Ua haapeapea noa vau i te mahana taatoa.+Ua aˈohia vau i te mau poipoi atoa.+
15 Ahani râ vau i faahiti i taua mau parau ra,Ua haavare ïa vau i to nunaa.*
16 A tamata ˈi au i te taa i te reira,Ua peapea roa vau
17 E tomo noa ˈtu vau i roto i te nao* rahi a te Atua,Taa aˈera ïa ia ˈu i te a muri aˈe o te feia ino.
18 Te tuu mau ra oe ia ratou i nia i te tahua heehee+
Ia hiˈa ratou a haamouhia ˈtu ai.+
19 E tae taue noa mai to ratou haamouraa!+
E tupu taue noa mai to ratou hopea e mea riaria!
20 Mai te hoê moemoeâ o te moˈe ia ara mai te taata, e Iehova,E haamoˈe* oe i to ratou hohoˈa ia ara mai oe.
21 Ua toaruaru râ to ˈu aau,+Ua tae te mauiui i roto roa ia ˈu.*
22 E maamaa to ˈu e ua ere au i te maramarama.Ua riro vau mai te hoê animara aita e feruriraa i mua ia oe.
23 I teie nei râ, tei pihai iho noa vau ia oe.Ua tapea oe i to ˈu rima atau.+
24 Te aratai ra oe ia ˈu i ta oe aˈoraa,+E e aratai oe ia ˈu i te hanahana.+
25 O vai ta ˈu i nia i te raˈi?
Inaha tei pihai iho oe ia ˈu, aita ïa e mea ta ˈu e hinaaro i nia i te fenua.+
26 E paruparu paha to ˈu tino e to ˈu aau,O te Atua râ te mato o to ˈu aau e ta ˈu tuhaa e a muri noa ˈtu.+
27 E pohe mau â te feia o te faaea i te atea ê ia oe.
E haamou* oe i te taata atoa o te taiva ia oe ma te faarue ia oe.+
28 Mea maitai râ no ˈu ia faafatata ˈtu i te Atua.+E haapuraa te Arii hau ê e Fatu ra o Iehova no ˈu,No te faaite i ta ˈna mau ohipa atoa.+
Nota i raro i te api
^ Aore ra “faatietie.”
^ Heb: “no to ratou mii.”
^ Heb: “te uˈi o ta oe mau tamaiti.”
^ Heb: “vahavaha.”
^ Heb: “i roto i to ˈu mape.”
^ Heb: “haamamû.”
