Salamo 72:1-20
No nia ia Solomona.
72 E te Atua e, a horoa i ta oe mau haavaraa i te arii ra,E a tuu atu i ta oe parau-tia i te tamaiti a te arii ra.+
2 Ia paruru oia i to nunaa ma te parau-tia,E i to feia haihai ma te afaro.+
3 Ia hopoi mai te mau mouˈa i te hau i te nunaa,E ia hopoi mai te mau aivi i te parau-tia.
4 Ia paruru* oia i te feia haihai i rotopu i te nunaa,Ia faaora oia i te mau tamaiti a te taata veve,E ia taataahi oia i te taata taviri.+
5 E mǎtaˈu ratou ia oe i te roaraa e vai ai te mahanaE i te roaraa e vai ai te avaˈe,I tera e tera uˈi.+
6 E riro oia mai te ûa e topa ra i nia i te aihere i tâpûhia,Mai te ûa e faarari ra i te fenua.+
7 E tupu ruperupe mai te feia parau-tia i to ˈna mau mahana.+E rahi roa te hau+ e moˈe noa ˈtu te avaˈe.
8 E faatere oia mai te tahi miti i te tahi atuE mai te Anavai* e tae atu i te hopea o te fenua.+
9 E piˈo to te medebara i mua ia ˈna,E e mitimiti to ˈna mau enemi i te repo.+
10 E aufau te mau arii o Taresisa e o te mau motu i tei titauhia ia ratou.+
E hopoi mai te mau arii o Seba e o Sipa i te ô.+
11 E piˈo te mau arii atoa i mua ia ˈna,E e tavini te mau nunaa atoa ia ˈna.
12 E faaora hoi oia i te taata veve o te hinaaro ra i te tauturu,Oia atoa i te taata haihai e te taata aita e tauturu.
13 E aroha oia i te taata haihai e te veve,E e faaora oia i te feia veve.
14 E faaora oia ia ratou i te haavîraa e te hamani-ino-raa,E e riro to ratou toto ei mea faufaa roa no ˈna.
15 Ia ora oia e ia horoahia ˈtu te auro no Seba.+
Ia pure-noa-hia no ˈnaE ia haamaitaihia oia i te mahana taatoa.
16 E rahi te huero maa i nia i te fenua.+E manii te reira na nia i te mau tupuai mouˈa.
E hotu te maa o te mau fenua a te arii mai i Lebanona,+E e tupu ruperupe to te mau oire mai te aihere o te fenua.+
17 Ia vai noa to ˈna iˈoa e a muri noa ˈtu,+Ia atutu te reira i te roaraa e vai ai te mahana.
Ia noaa te tahi haamaitairaa i te mau taata na roto i to ˈna arai.+Ia parau te mau nunaa atoa e mea oaoa oia.
18 Ia aruehia te Atua ra o Iehova, te Atua o Iseraela,+O ˈna anaˈe te rave i te ohipa faahiahia.+
19 Ia aruehia to ˈna iˈoa hanahana e a muri noa ˈtu,+E ia î te fenua taatoa i to ˈna hanahana.+
Amene e Amene.
20 I ǒ nei e faaoti ai te mau pure a Davida, te tamaiti a Iese.+
