Salamo 45:1-17
Na te aratai o te feia himene. I nia i “Te mau lili.” Masekila* a te mau tamaiti a Kora.+ Himene no te here.
45 Ua î to ˈu aau i te tahi parau apî oaoa.
Te parau ra vau: “No nia ta ˈu himene i te hoê arii.”+
Ia riro to ˈu arero ei penitara+ na te hoê taata papai aravihi.+
2 O oe te mea haviti roa ˈˈe o te mau tamaiti a te taata nei.
Te tahe ra te parau nehenehe mau mai roto mai i to vaha.+
No reira te Atua i haamaitai ai ia oe e a muri noa ˈtu.+
3 E teie taata puai e,+ a taamu i ta oe ˈoˈe+ i nia ia oeMa to tura e to unauna.+
4 E i roto i to unauna, a haere i te upootiaraa.*+A horo no te parau mau e te haehaa e te parau-tia,+E faatupu* ïa to rima atau i te ohipa riaria.
5 Mea oeoe ta oe mau teˈa, e marua te taata i mua ia oe,+E puta te mafatu o te mau enemi o te arii i te reira.+
6 O te Atua to terono e a muri noa ˈtu.+E te sepeta o ta oe faatereraa arii, o te sepeta ïa o te parau-tia.+
7 Mea au roa na oe te parau-tia+ e mea au ore roa na oe te ino.+
No reira ïa te Atua, to Atua, i faatavai ai ia oe+ i te monoˈi o te oaoa+ hau aˈe i to mau hoa.
8 E hauˈa mura e te aloe e te kade to oe mau ahu atoa.Mai te aorai ivori rahi mai, te faaoaoa ra te mau upaupa taura ia oe.
9 Tei rotopu te mau tamahine a te mau arii i ta oe mau vahine faaturahia.
Ua tia mai te vahine faaipoipo a te arii* i to rima atau ra, vehîhia i te auro no Ophira.+
10 A faaroo mai, e teie tamahine e, a fariu mai i to tariˈa.Eiaha e feruri faahou i to nunaa e te fare o to metua tane.
11 E hinaaro roa ïa te arii i to nehenehe,O ˈna hoi to oe fatu,A tipapa ïa i mua ia ˈna.
12 E haere mai te tamahine a Turia e te hoê ô.E imi te taata taoˈa roa ˈˈe i to farii maitai.
13 I roto i te aorai,* mea nehenehe roa te tamahine a te arii.Ua faaunaunahia to ˈna ahu i te auro.
14 E arataihia oia i te arii ra ma te ahu unauna roa.
E afaihia te mau vahine apî* o te apee ra ia ˈna, to ˈna mau hoa, i mua ia oe.
15 E afaihia mai ratou ma te oaoa rahi.E tomo ratou i roto i te aorai o te arii.
16 E mono ta oe mau tamaiti i to oe mau tupuna.
E faatoroa oe ia ratou ei huiarii i te fenua taatoa.+
17 E faaite au i to iˈoa i te mau uˈi atoa e haere mai ra.+
No reira te mau nunaa e arue ai ia oe e a muri noa ˈtu.
Nota i raro i te api
^ Heb: “haapii atu.”
^ Aore ra “manuïaraa.”
^ Aore ra “arii vahine.”
^ Heb: “I roto.”
^ Heb: “aita i taoto aˈenei i te tane.”
