Numera 24:1-25
24 I to Balaama iteraa e ua au ia* Iehova i te haamaitai ia Iseraela, aita oia i imi faahou i te tahi mau tapao ino,+ fariu atura râ i te medebara.
2 I to Balaama hiˈoraa e i to ˈna iteraa ia Iseraela i te puhaparaa tera opu e tera opu,+ haere maira te varua o te Atua i nia ia ˈna.+
3 Parau atura oia i teie parau paari:+
“Te parau a Balaama te tamaiti a Beora,E te parau a te hoê taata tei faaaraarahia te mata,
4 Te parau a tei faaroo ra i te parau a te AtuaTei ite i te orama a te Manahope,Tei tuturi i raro a araara noa ˈi to ˈna mata:+
5 Auê te nehenehe o to oe mau fare ie, e Iakoba,To oe mau sekene, e Iseraela!+
6 Mai te mau peho ua purara i te atea,+Mai te mau ô na te hiti anavai,Mai te mau aloe ta Iehova i tanu,Mai te mau tumu arezi na te hiti pape.
7 E topata noa mai te pape no roto i ta ˈna e piti patete iri animara,E itehia to ˈna huaai i te pape e rave rahi.+
To ˈna atoa arii,+ e rahi aˈe oia ia Agaga,+E e faateiteihia ta ˈna faatereraa arii.+
8 Te aratai nei te Atua ia ˈna i rapae i Aiphiti,Mai na tara o te tahi puaatoro oni oviri oia no ratou.
E pau roa te mau nunaa ia ˈna i te auahi, to ˈna feia haavî,+E honihoni oia i to ratou mau ivi, e e haapurara oia ia ratou i ta ˈna mau teˈa.
9 Ua piˈo oia i raro, ua taoto oia mai te tahi liona,E mai te tahi liona, o vai te tae e faatia mai ia ˈna?
E haamaitaihia te feia e haamaitai ra ia oe,E e roohia i te ino te feia e faatae ra i te ino i nia ia oe.”+
10 Riri roa ihora Balaka ia Balaama. Paipai atura Balaka i te rima no te riri e parau atura ia Balaama: “Ua titau vau ia oe no te faatae i te ino i nia i to ˈu mau enemi,+ aita râ, ua haamaitai oe ia ratou teie e toru taime.
11 A hoˈi râ i ǒ oe i teie nei. I hinaaro na vau e faahanahana rahi ia oe,+ e inaha, ua faaere Iehova ia oe i te hanahana.”
12 Pahono atura Balaama ia Balaka: “Aita anei au i parau i te mau vea ta oe i tono:
13 ‘Ia horoa noa mai â Balaka no ˈu i to ˈna fare ua î i te ario e te auro, aita e ohipa ta ˈu e nehenehe e rave na roto i to ˈu hinaaro* na nia ˈˈe i te faaueraa a Iehova, mea maitai anei aore ra mea ino. E parau noa vau i ta Iehova i parau ia ˈu’?+
14 E teie nei, te hoˈi nei au i to ˈu nunaa ra. A haere mai e ia faaite au ia oe e nafea teie nunaa i to oe nunaa a muri aˈe.”*
15 Parau atura ïa oia i teie parau paari:+
“Te parau a Balaama te tamaiti a Beora,E te parau a te taata tei faaaraarahia te mata,+
16 Te parau a tei faaroo ra i te parau a te AtuaE tei ia ˈna ra te ite o Tei Teitei Roa ˈˈe,Te hoê orama a te Manahope ta ˈna i iteI to ˈna tuturiraa i raro a araara noa ˈi to ˈna mata:
17 E ite au ia ˈna, eiaha râ i teie nei.E hiˈo vau ia ˈna, eiaha i teie nei â.
E fetia+ te na roto mai ia Iakoba,E e sepeta+ te tia mai roto mai ia Iseraela.+
E tuparari mau â oia i te rae* o Moabi+E te apu upoo o te mau tamaiti atoa a te faahuehue.
18 E e riro Edoma,+Oia mau, e riro Seira+ i to ˈna mau enemi+A faaiteite ai Iseraela i to ˈna itoito.
19 E no roto mai ia Iakoba te tahi o te upootia,+E e haamou oia pauroa to te oire tei ora mai.”
20 I to ˈna iteraa ia Amaleka, parau faahou atura oia i teie parau paari ta ˈna:
“O Amaleka te nunaa matamua,+E mou râ oia i te hopearaa.”+
21 I to ˈna iteraa i te ati Keni,+ parau faahou atura oia i teie parau paari ta ˈna:
“Mea ruru to oe nohoraa, e tei nia i te mato to oe faaearaa.
22 Na te tahi râ e tanina ia Kaini.
Ehia â maororaa e hopoi tîtî atu ai Asura ia oe?”
23 Parau faahou atura oia i teie parau paari ta ˈna:
“Ua ati! O vai te ora mai ia na reira te Atua?
24 E pahi te tapae mai na te hiti o Kitima,+E hamani ino ratou ia Asura,+E e hamani ino ratou ia Ebera.
Tera râ, o ˈna atoa te mou roa.”
25 Pauma aˈera Balaama+ e hoˈi atura i to ˈna vahi. Haere atoa ˈtura Balaka i to ˈna haereraa.
Nota i raro i te api
^ Heb: “mea maitai i te aro o.”
^ Heb: “no roto mai i to ˈu aau.”
^ Aore ra “i te hopea o te mau mahana.”
^ Aore ra “na aoao o te upoo.”
