Maseli 20:1-30
20 Tei te uaina te faaoooraa,+ tei te ava te huehue.+Te taata e hahi ê i te reira, e ere oia mea paari.+
2 Te mehameha* ta te arii e faatupu, e au ïa i te uuru o te liona.+Te taata e faatupu i te riri o te arii, mea atâta no to ˈna ora.+
3 E au ia faaturahia te taata e ore e hinaaro e tatamaˈi,+E faaô râ pauroa te maamaa i roto i te mârôraa.+
4 Eita te taata faatau e arote i te tau toˈetoˈe,E taparu ïa oia i te tau ootiraa aita anaˈe ta ˈna e maa.*+
5 E au te manaˈo o* te taata i te pape hohonu,Na te taata haroˈaroˈa râ e huti mai i te reira.
6 Mea rahi te taata e parau e here taiva ore to ratou,O vai râ te ite mai i te hoê taata haapao maitai?
7 Te haere ra te taata parau-tia ma te hapa ore.+
E oaoa ta ˈna mau tamarii* i muri mai ia ˈna.+
8 Ia parahi te arii i nia i te terono no te haava,+E titia oia pauroa te ino i to ˈna mata.+
9 O vai te nehenehe e parau: “Ua tamâ vau i to ˈu aau.+Ua mâ vau i ta ˈu hara”?+
10 Te ofai faito tano ore e te faito hape,*Mea hae na Iehova tera e piti.+
11 Te tamarii* atoa, i ta ˈna mau ohipa e itehia ˈiE haerea viivii ore anei to ˈna e te afaro.+
12 Te tariˈa e faaroo ra e te mata e ite ra,Na Iehova i hamani i tera e piti.+
13 Eiaha e nounou i te taoto, a vevehia oe.+
A faaaraara i to oe mata e e rahi ta oe maa.+
14 “Aita e auraa, aita e auraa!” te parau ra te taata e hoo mai i te taoˈa,A haere atu ai ma te haapeu ia ˈna iho.+
15 Te vai ra te auro, e te toˈa* e rave rahi,E taoˈa faufaa râ te utu e noaa ˈi te ite.+
16 A rave i te ahu o te taata tei parau e aufau oia i te tarahu a te hoê taata aita o ˈna i matau.+A haru i ta ˈna taoˈa piri mai te peu ua na reira oia no te hoê vahine ê.*+
17 Mea monamona no te taata te maa tei noaahia mai ma te haavarevare,I muri iho râ, e î to ˈna vaha i te iriiri.+
18 Ia anihia to vetahi manaˈo,* e manuïa* te mau opuaraa,+E mea faufaa te aravihi ia aratai* no te aro i te tamaˈi.+
19 E puhara te pari haavare i te mau parau huna,+Eiaha e amuimui i te taata mea au na ˈna e hopoi haere i te parau.*
20 Te taata e faaino i to ˈna metua tane e to ˈna metua vahine,E tinaihia ta ˈna mori ia tae mai te poiri.+
21 Te faufaa tutuuhia tei noaahia mai na roto i te nounou,Eita ïa e riro ei haamaitairaa i te hopea.+
22 Eiaha e parau: “E faahoˈi atu vau i te ino!”+
A tiaturi ia Iehova+ e e faaora oia ia oe.+
23 Mea hae na Iehova te ofai faito tano ore,*E e ere mea maitai te faito hape.
24 Na Iehova e aratai i te taahiraa o te taata.+E nafea te taata e taa ˈi i to ˈna iho eˈa?*
25 E marei no te taata ia parau ma te ru: “Mea moˈa!”+
I muri iho noa râ oia e feruri ai i ta ˈna i euhe.+
26 Mai te paa e faataa-ê-hia i te huero maa,+Mea na reira atoa te feia ino+ e faataa-ê-hia ˈi e e faaorehia ˈi e te arii feruriraa paari.
27 O te aho o te taata te mori a IehovaO te turama i roto roa ia ˈna.
28 Na te here taiva ore e na te haapao maitai e paruru i te arii.+I te here taiva ore e mau papu ai to ˈna terono.+
29 Te hanahana o te feia apî, o to ratou ïa puai,+E te unauna o te feia paari, o to ratou ïa rouru hinahina.+
30 I te ereere i nia i te tino e te pepe e taheehia ˈi te ino,+E i te tairiraa e mâ ˈi te taata i roto roa ia ˈna.
Nota i raro i te api
^ Aore ra “mǎtaˈu.”
^ Huri-atoa-hia “E imi oia i te tau ootiraa, eita râ hoê mea e itehia mai.”
^ Aore ra “te mau opuaraa a.” Heb: “aˈoraa a.”
^ Heb: “tamaiti.”
^ Aore ra “E piti ofai faito taa ê e e piti farii faito taa ê.”
^ Aore ra “tamaroa.”
^ Aore ra “taata ê.”
^ Aore ra “te aˈoraa.”
^ Aore ra “haapapuhia.”
^ Aore ra “aratairaa paari.”
^ Aore ra “e faahema i to ˈna utu.”
^ Aore ra “e piti ofai faito taa ê.”
^ Aore ra “te eˈa e na reira ia haere?”
