Maseli 12:1-28
12 Te taata mea au na ˈna te aˈo, mea au na ˈna te ite,+E taata ite* ore râ te taata mea hae na ˈna ia tamaˈihia oia.+
2 E noaa i te taata maitai te farii maitai a Iehova,E faahapa râ Oia i te taata opuaraa ino.+
3 Aita e taata e parahi noa ma te taiâ ore na roto i te ino,+E ore roa râ te taata parau-tia e iriti-tumu-hia.
4 E hei upoo te hoê vahine haapao maitai no ta ˈna tane faaipoipo,+E pê râ no to ˈna mau ivi te hoê vahine faaipoipo haerea haama.+
5 Mea tia te mau manaˈo o te taata parau-tia,Mea haavare râ te aratairaa a te taata ino.
6 E moemoe te parau a te taata ino no te haapohe,*+E faaora râ te vaha o te feia afaro ia ratou.+
7 Ia faatahurihia te feia ino, aita faahou ratou,E tia noa râ te fare o te taata parau-tia.+
8 E aruehia te taata no to ˈna vaha o te tapea i te parau,+E vahavahahia râ te taata aau piˈo.+
9 Mea maitai aˈe eiaha oe ia faatura-rahi-hia, e tavini râ ta oeI te faahanahana ia oe e aita ta oe e maa.*+
10 E aupuru te taata parau-tia i ta ˈna animara i te fare,+Area te aroha hamani maitai o te taata ino, mea ino atoa ïa.
11 E paia te taata o te faaapu i to ˈna fenua,+Te taata râ o te aˈuaˈu i te mau mea faufaa ore, te ere nei ïa i te haroˈaroˈa.*
12 E nounou te taata ino i ta te tahi atu feia ohipa iino i haru,E hotu râ te aˈa o te taata parau-tia.
13 E noaahia te taata ino i ta ˈna iho mau parau piˈo,+E ora mai râ te taata parau-tia i te ahoaho.
14 I ta ˈna mau parau* e fanaˈo ai te hoê taata i te maitai,+E e haamaitairaa ta ˈna i te ohipa a to ˈna rima.
15 Mea tia te eˈa o te maamaa i ta ˈna hiˈoraa,+E farii râ te taata paari i te aˈoraa.+
16 E faaite oioi* te maamaa ua fiu oia,+Eita râ te taata feruriraa haroˈaroˈa e tâuˈa* i te tuhi.
17 E faaite te hoê ite haapao maitai i te parau mau,*E parau haavarevare râ ta te hoê ite haavare.
18 E au te parau feruri-ore-hia i te puta ˈoˈe,E rapaauraa râ te arero o te taata feruriraa paari.+
19 E vai noa te vaha o te parau i te parau mau e a muri noa ˈtu,+E taime poto noa râ to te arero haavare.+
20 Tei roto te haavare i te aau o te feia opuaraa ino,E oaoa râ te feia e faatupu i* te hau.+
21 Eita te taata parau-tia e roohia i te mauiui,+Mea ravai râ te ati ta te taata ino e faaruru.+
22 Mea hae na Iehova te utu haavare,+E oaoa râ oia i te feia haerea haapao maitai.
23 E huna te taata feruriraa paari i ta ˈna i ite,E puhara noa râ te aau o te maamaa i to ˈna maamaa.+
24 Na te rima o te taata itoito e faatere,+E faahepohia râ te rima o te taata faatau ia rave i te ohipa.+
25 E teimaha* te aau o te taata no te ahoaho,+E oaoa râ oia i te hoê parau maitai.+
26 E hiˈopoa te taata parau-tia i to ˈna mau eˈa,E patore râ te feia ino i to ratou haerea.
27 Eita te taata faatau e aˈuaˈu i ta ˈna animara,+E taoˈa faufaa râ te itoito no te hoê taata.
28 O te raveraa i te parau-tia te eˈa o te ora.+Aita e pohe i te roaraa o taua eˈa ra.
Nota i raro i te api
^ Aore ra “haroˈaroˈa.”
^ Heb: “no te toto.”
^ Heb: “faraoa.”
^ Heb: “aau.”
^ Heb: “to ˈna vaha.”
^ Aore ra “i tera iho â mahana.”
^ Heb: “E tapoˈi râ te taata haroˈaroˈa.”
^ Heb: “te mea tia.”
^ Heb: “te feia aˈo no.”
^ Aore ra “hepohepo.”
