Isaia 50:1-11
50 Teie ta Iehova e parau ra:
“Teihea te parau faataaraa+ a to outou metua vahine, ta ˈu i tuu atu ia hoˈi?
Aore ra ua hoo anei au ia outou no te tahi tarahu ta ˈu?
Inaha, no ta outou iho mau hape+ i hoohia ˈi outou,E no ta outou iho mau hapa i faahoˈihia ˈi to outou metua vahine.+
2 No te aha ïa aita ˈi e taata i to ˈu haereraa mai?
No te aha aita ˈi hoê i pahono i to ˈu piiraa?+
Mea poto roa anei to ˈu rima no te hoo mai,Aore ra aita anei e puai i roto ia ˈu no te faaora?+
Inaha, i ta ˈu tamaˈiraa e haamǎrô roa ˈi au i te miti.+E faariro vau i te mau anavai ei vahi pâpâmǎrô.+
E pê te iˈa i roto no te pape ore,E e pohe no te poihâ.
3 E faaahu vau i te raˈi i te rumaruma,+E e hamani au i te ahu oto ei ahu taoto no ˈna.”
4 Ua horoa mai te Arii hau ê e Fatu ra o Iehova ia ˈu i te arero o te feia haapiihia,*+Ia ite au e nafea ia pahono* i tei rohirohi ma te parau tano.*+
E faaara oia ia ˈu i tera e tera poipoi.E faaara oia i to ˈu tariˈa ia faaroo vau mai tei haapiihia.+
5 Ua haafatafata te Arii hau ê e Fatu ra o Iehova i to ˈu tariˈa,E aita vau i orure hau.+
Aita vau i fariu ê.+
6 Ua tuu noa ˈtu vau i to ˈu tua i te feia e tairi mai ra ia ˈuE to ˈu papariˈa i te feia e hutihuti ra i to ˈu huruhuru taa.
Aita vau i huna i to ˈu hohoˈa mata i te mau faahaamaraa e i te tutuharaa.+
7 E tauturu mai râ te Arii hau ê e Fatu ra o Iehova ia ˈu.+
No reira vau e ore ai e haama.
No reira vau i haapaari ai i to ˈu hohoˈa mata mai te ofai paari,+E ua ite au e ore au e haama.
8 Tei pihai iho mai Tei hiˈo ia ˈu ei taata parau-tia.
O vai te nehenehe e faahapa* ia ˈu?+
Ia tia mai mâua.*
O vai tei horo ia ˈu i te haavaraa?
Ia tapiri mai oia ia ˈu.
9 Inaha, e tauturu mai te Arii hau ê e Fatu ra o Iehova ia ˈu.
Na vai e faahapa ia ˈu?
Inaha, e ino ratou pauroa mai te ahu.
E pau ratou i te amuhia e te manumanu.
10 O vai i rotopu ia outou te mǎtaˈu ra ia IehovaE te faaroo ra i te reo o ta ˈna tavini?+
O vai tei haere na roto i te poiri rahi, aita hoê aˈe maramarama?
Ia tiaturi oia i te iˈoa o Iehova e ia turui oia i nia i to ˈna Atua.
11 “Inaha, outou pauroa e tahu ra i te auahi,A haapee ai i te ura auahi,A haere na roto i te maramarama o ta outou auahi,Na roto i te ura auahi ta outou i faaama.
Teie te noaa mai ia outou i to ˈu rima:
I roto i te mauiui iti rahi e tarava ˈi outou.
Nota i raro i te api
^ Aore ra “te hoê arero haapii-maitai-hia.”
^ Heb: “te tahi parau.”
^ Huri-atoa-hia “faaitoito.”
^ Aore ra “mârô.”
^ Aore ra “Ia aimârô te tahi i te tahi.”
