Isaia 4:1-6
4 E e haru e hitu vahine i te hoê tane i tera mahana,+ a na ô ai:
“E amu matou i ta matou iho maa,E e oomo i to matou iho ahu.Tera râ, ia pii-noa-hia matou i to oe iˈoaNo te faaore i to matou haama.”*+
2 I tera mahana, e riro te mea ta Iehova e faaoteo ei mea unauna e te hanahana, e e riro te hotu o te fenua ei haapeuraa e ei nehenehe no tei ora mai i Iseraela.+
3 E parauhia e mea moˈa te taata atoa e toe mai i Ziona e i Ierusalema, pauroa te taata no Ierusalema tei tapaohia no te ora.+
4 Ia tamâ Iehova i te hairiiri* o te mau tamahine o Ziona+ e ia pîpî oia i te pape mai rotopu ia Ierusalema i te toto* i te mataˈi uˈana o te haavaraa a te Atua e te riri* rahi,+
5 e hamani atoa Iehova i nia i te vahi taatoa o te mouˈa Ziona e i nia i ta ˈna mau vahi tairururaa i te tahi ata e te au auahi ia ao, e te tahi auahi ura anaana ia po.+ Ei tamaru hoi to nia iho i te hanahana taatoa.
6 E ei fare ie ei tamaru no te âhu ia ao,+ e ei haapuraa e ei parururaa te reira i te mau vero e te ûa.+
Nota i raro i te api
^ Oia hoi te haama no te mea aita i faaipoipohia e aita e tamarii.
^ Heb: “tutae.”
^ Aore ra “te toto ta Ierusalema i haamanii.”
^ Aore ra “taheeraa.”
