Isaia 32:1-20
32 Inaha, e faatere te hoê arii+ no te parau-tia,+E e mana mai te huiarii no te ohipa afaro.
2 E e riro ratou tataitahi ei tapuniraa* i te mataˈi,Ei haapuraa i te vero ûa,Mai te taheraa pape i te fenua pape ore,+Mai te marumaru o te tahi mato rahi i te tahi fenua mǎrô.
3 Eita faahou ïa te mata o te feia e ite ra e tapiri-faahou-hia,E e haapao mai te tariˈa o te feia e faaroo ra.
4 E feruri maite te aau o te feia iria i te ite,E mea hee noa e mea papu te parau a te feia uu.+
5 Eita te maamaa e parau-faahou-hia e taata horoa noa,E te taata tâuˈa ore i te mea afaro e taata tiaraa teitei.
6 E parau haapaoraa ore hoi ta te maamaa,E e opua to ˈna aau i te ohipa ino,+No te haaparare i te ohipa taiva* e no te parau i te parau haapaoraa ore no Iehova,No te vaiiho i te taata poia ia poia noaE no te faaere i tei poihâ ra i te tahi mea ia inu.
7 Mea ino te mau raveraa a te taata tâuˈa ore i te mea afaro.+E turai oia i te taata ia pee i te haerea haamaNo te rave ino i tei ahoaho ra ma te haavare,+Noa ˈtu e parau atoa te taata veve i te mea tia.
8 E faaitoito te taata horoa i te faatupu i te aau horoa noa,E e tutava oia i te horoa noa.*
9 “A tia i nia e a faaroo i to ˈu reo, outou te mau vahine haapeapea ore!
A haapao mai i ta ˈu e parau atu nei, outou te mau tamahine haapao ore!+
10 Hau rii hoê matahiti, e rûrû outou te mau tamahine haapao ore,Aita hoi e maa te haaputuhia mai ia hope te pofairaa vine.+
11 A rûrû, outou te mau vahine haapeapea ore!
Ia horuhoru outou te mau tamahine haapao ore!
A tatara i to outou mau ahu,E a taamu mai i te ahu oto i nia i to outou tauupu.+
12 A tupaipai i to outou ouma ma te otoNo te mau faaapu tupu maitai e no te mau tumu vine hotu.
13 E î hoi te fenua o to ˈu nunaa i te raau taratara.E tapoˈi te reira i te mau fare oaoa atoa,Oia mau, i te oire popou.+
14 Ua faaruehia hoi te pare faaetaetahia.Ua vaiihohia te oire maniania.+
Ua riro Ophela+ e te pare tiairaa ei fenua taata ore no te hoê tau maoro,Ei parahiraa au mau no te asini oviri,Ei fenua e amu ai te animara i te aihere i reira,+
15 Tae roa i te taime e niniihia ˈi te varua o te Atua i nia ia tatou,+E riro te medebara ei faaapu maa hotu,E e hiˈohia te faaapu maa hotu mai te tahi uru raau.+
16 E e parahi te parau-tia i te medebara,E te ohipa tano i roto i te faaapu maa hotu.+
17 E hau te hopearaa o te parau-tia mau,+E hau e e taiâ ore mure ore ta te parau-tia mau e horoa.+
18 E parahi to ˈu nunaa i te hoê vahi hau e te papu,I te nohoraa papu e te faaearaa hau.+
19 E parahurahu râ te uru raau i te ûa paari,E e nina-roa-hia te oire.
20 E oaoa outou tei ueue i te huero maa na te roaraa o te hiti pape,Tei tuu i te puaatoro e te asini.”+
Nota i raro i te api
^ Aore ra “tamaru.”
^ Aore ra “No te rave i te ohipa faatura ore i te Atua.”
^ Aore ra “i roto i te ohipa maitai.”
