Ioba 29:1-25
29 Tamau atura Ioba i ta ˈna oreroraa parau:*
2 “Ahani au tei te mau avaˈe i mairi,I te mau mahana a hiˈo mai ai te Atua ia ˈu,
3 A faaanaana ˈi oia i ta ˈna mori i nia i to ˈu upoo,A haere ai au na roto i te poiri i to ˈna maramarama,+
4 A* vai apî noa ˈi au,A itehia ˈi te auhoaraa o te Atua i roto i to ˈu fare ie,+
5 A vai ai te Manahope i pihai iho ia ˈu,A vai ai ta ˈu mau tamarii* atoa ati aˈe ia ˈu,
6 A moˈe ai to ˈu mau taahiraa avae i roto i te pata,E a ninii mai ai te mau mato i te mau taheraa hinu no ˈu.+
7 Ia haere au i rapae i te uputa o te oire+E ia parahi au i te mahora o te oire,+
8 E ite mai te mau tane apî ia ˈu a tia ˈtu ai na te hiti,*E e tia atoa mai te mau tane ruhiruhia e e tia noa ratou.+
9 Eita te huiarii e paraparau.E tuu ratou i to ratou rima i nia i to ratou vaha.
10 Ua mamû noa te reo o te feia mana.Ua piri noa to ratou arero i te aroaro o to ratou vaha.
11 Te taata atoa te faaroo ia ˈu, e parau maitai ta ratou no ˈu,E tei ite ia ˈu, e faaite ïa i to ˈu roo maitai.
12 E faaora hoi au i te feia veve tei pii ia tauturuhia ratou,+E te tamarii aita e metua tane e te feia atoa aita e taata tauturu.+
13 E haamaitai te taata tei fatata i te pohe ia ˈu,+E ua faaoaoa vau i te aau o te vahine ivi.+
14 Ua oomo vau i te parau-tia ei ahu no ˈu.E au ta ˈu parau-tia i te hoê ahu roa* e te hoê taamu upoo.
15 Ua riro vau ei mata no te matapoE ei avae no te pirioi.
16 E metua vau no te feia veve.+E hiˈopoa vau i te haavaraa o te feia aita vau i matau.+
17 Ua ofati au i te taa o te taata ohipa ino+E ua huti au i tei mau mai ia ˈna i to ˈna niho.
18 I parau na vau: ‘E pohe au i to ˈu iho fare,*+E e riro to ˈu mau mahana mai te one tahatai ra te rahi.
19 E toro to ˈu mau aˈa i roto i te pape,E e vai noa te hupe i te po taatoa i nia i to ˈu mau amaa.
20 E faaapî-noa-hia to ˈu roo,E e teˈa noa te fana i roto i to ˈu rima.’
21 E faaroo maite te taata ia ˈu,A tiai mamû noa ˈi i ta ˈu aˈoraa.+
22 Ua oti anaˈe ta ˈu parau, aita faahou ta ratou e parau.E topa mǎrû* noa ta ˈu mau parau i roto i to ratou tariˈa.
23 Ua tiai ratou ia ˈu mai te tiairaa i te ûa.Ua hamǎmǎ rahi ratou i to ratou vaha mai te tiairaa i te ûa hopea.+
24 Ia ataata ˈtu vau ia ratou, eita ratou e tiaturi mai.Na te maramarama o to ˈu hohoˈa mata e tamǎrû ia ratou.*
25 Ei upoo no ratou ua horoa vau i te aratairaa ia ratou,E i ora na vau mai te tahi arii i rotopu i ta ratou mau pǔpǔ faehau,+Mai te tahi taata te tamahanahana i te feia oto.+
Nota i raro i te api
^ Heb: “parau paari.”
^ Heb: “I te mau mahana a.”
^ Aore ra “tavini.”
^ Heb: “a tapuni atu ai.”
^ Aore ra “ahu aita e rima.”
^ Heb: “to ˈu ofaaraa.”
^ Heb: “topatapata.”
^ Huri-atoa-hia “Aita ratou i haapoiri i te maramarama o to ˈu hohoˈa mata.”
