Ioba 2:1-13
2 I muri aˈe, tae maira te mahana i tomo ai te mau tamaiti a te Atua mau*+ no te tia i mua ia Iehova,+ e tomo atoa maira Satani i rotopu ia ratou no te tia i mua ia Iehova.+
2 Parau atura ïa Iehova ia Satani: “Nahea mai ra oe?” Pahono maira Satani ia Iehova: “Na to ˈu oriraa na nia i te fenua e to ˈu hahaereraa na reira.”+
3 Parau atura Iehova ia Satani: “Ua tapao anei oe* i ta ˈu tavini o Ioba? Aita e taata mai ia ˈna i nia i te fenua. E taata afaro oia e te hapa ore,+ o te mǎtaˈu i te Atua e te haapae i te ino. Te mau papu noa ra oia i to ˈna hapa ore,+ noa ˈtu te tamata ra oe i te turai ia ˈu+ ia haamou* ia ˈna aita e tumu.”
4 Pahono maira râ Satani ia Iehova: “E iri, e iri ïa. E horoa te hoê taata i ta ˈna mau mea atoa no to ˈna ora.
5 No te taui râ, a toro i to oe rima e a tairi i to ˈna ivi e to ˈna iˈo. E faaino mau â oia ia oe i mua i to oe aro.”+
6 Parau atura ïa Iehova ia Satani: “Inaha, tei roto o ˈna i to oe rima!* Eiaha râ e rave i to ˈna ora!”
7 Haere ihora ïa Satani mai mua i te aro o Iehova e tairi ihora ia Ioba i te fêfê mauiui mau*+ mai te tapuae o to ˈna avae tae roa i te tupuai o to ˈna upoo.
8 Rave maira Ioba i te tahi tuhaa farii parari no te raˈuraˈu ia ˈna, e parahi noa ˈtura oia i roto i te rehu.+
9 Parau roa maira ta ˈna vahine faaipoipo ia ˈna: “Te mau papu noa ra oe i to oe hapa ore? A faaino i te Atua a pohe atu ai!”
10 Parau atura râ oia ia ˈna: “Te paraparau ra oe mai te tahi vahine maamaa. E farii noa anei tatou i te mea maitai no ǒ mai i te Atua mau e eiaha e farii i te mea ino?”+ I taua mau mea atoa ra, aita Ioba i hara i to ˈna vaha.+
11 Faaroo aˈera e toru hoa o* Ioba i te mau ati atoa ta ˈna i faaruru, e haere maira ratou tataitahi mai to ratou iho vahi, Eliphaza+ ati Temana, Biladada+ ati Tua+ e Zophara+ ati Naama. Faaoti amui aˈera ïa ratou e farerei no te haere e faaite i to ratou aumauiui ia Ioba e no te tamahanahana ia ˈna.
12 I to ratou iteraa ia ˈna na te atea, aita ratou i ite e o ˈna tera. Auê aˈera ratou, hahae aˈera i to ratou ahu, e taora aˈera i te repo i nia e i nia iho i to ratou upoo.+
13 Parahi ihora ratou i raro i te repo i pihai iho ia ˈna e hitu ao e e hitu po. Aita hoê i parau i te tahi parau ia ˈna, te ite ra hoi ratou e mauiui rahi to ˈna.+
Nota i raro i te api
^ E parau Hebera no te mau tamaiti melahi a te Atua.
^ Heb: “Ua haamau anei oe i to oe aau i nia.”
^ Heb: “horomii.”
^ Aore ra “tei raro aˈe o ˈna i to oe mana.”
^ Aore ra “tutuˈa haapê roa ino.”
^ Aore ra “taata tei matau ia.”
