Ioba 12:1-25
12 Pahono atura Ioba:
2 “Oia mau o outou te feia tei ite,E e pohe te paari na muri ia outou!
3 E maramarama* atoa râ to ˈu.
Aita vau i iti noa ˈˈe ia outou.
O vai tei ore i ite i teie mau mea?
4 Ua riro vau ei faaoooraa na to ˈu mau hoa,+No te mea te tiaoro ra vau i te Atua no te tahi pahonoraa.+
E faaoooraa te hoê taata parau-tia e te hapa ore.
5 E vahavaha te taata haapeapea ore i te ati,A manaˈo ai o te feia noa mea papu ore* to ratou avae te roohia i te reira.
6 E hau tei te mau fare ie o te feia eiâ,+E te parahi ra te feia e aa ra i te Atua ma te taiâ ore,+Te feia to roto to ratou atua i to ratou rima.
7 A ui na râ i te mau animara, e na ratou e haapii ia oe.Oia atoa te mau manu o te raˈi, e na ratou e faaite ia oe.
8 Aore ra a hiˈo maite* i te fenua, e na ˈna e haapii ia oe.E na te iˈa o te moana e faaite atu ia oe.
9 O vai i rotopu i tera mau mea atoa aita i iteE na te rima o Iehova i rave i te reira?
10 To roto i to ˈna rima te ora o te mau mea* ora atoaE te aho* o te taata atoa.+
11 E ore anei te tariˈa e hiˈopoa i te mau parauMai te arero* e tamata i te maa?+
12 E ere anei i rotopu i te feia paari e itehia mai ai te paari?+E ere anei i te oraraa maoro e noaa mai ai te maramarama?
13 Tei ia ˈna ra te paari e te puai.+E aˈoraa ta ˈna e e maramarama to ˈna.+
14 Ia vavahi oia i te tahi mea, eita te reira e nehenehe e faatia-faahou-hia.+Ta ˈna i tapiri, aita e taata e haere ia ˈna ia tatara.
15 Ia tamau oia i te pape, e mǎrô te mau mea atoa.+Ia tono oia i te reira, e ninahia te fenua.+
16 Tei ia ˈna ra te puai e te paari mau.+No ˈna te taata o te hahi ê ra e te taata e faahahi ê ra.
17 Te faahaere ra oia i te feia aˈo ma te tiaa ore,*E te faariro ra oia i te mau haava ei maamaa.+
18 Te tatara ra oia i te mau tapea tei tamauhia e te mau arii,+E te taamu ra oia i te tahi hatua i nia i to ratou tauupu.
19 Te faahaere ra oia i te mau tahuˈa ma te tiaa ore,+E te faataahuri ra oia i te feia mea mau papu to ratou mana faatere.+
20 Te faaere ra oia i te feia aˈo tiaturihia i te parauE te iriti ê ra oia i te feruriraa paari o te feia paari.*
21 Te ninii ra oia i te vahavaharaa i nia i te huimana,+E te haaparuparu ra oia i* te feia puai.
22 Te faaite mai ra oia i te mau mea hohonu no roto mai i te poiri,+E te hopoi mai ra oia i te poiri taˈotaˈo i te maramarama ra.
23 Te faarahi ra oia i te mau nunaa no te haamou ia ratou,Te haaparare ra oia i te mau nunaa, a nehenehe atu ai oia e hopoi ê ia ratou.
24 Te iriti ê ra oia i te maramarama* o te mau aratai o te nunaaE te faaovere ra oia ia ratou na te mau fenua taata ore aita e eˈa.+
25 Te perehahu ra ratou i roto i te poiri,+ aita e maramarama i reira,Te faahaere ra oia ia ratou mai te feia taero ava.+
Nota i raro i te api
^ Heb: “aau.”
^ Aore ra “te hee ra.”
^ Huri-atoa-hia “paraparau.”
^ Aore ra “o te mau taata.”
^ Heb: “aroaro vaha.”
^ Aore ra “ma te ere i ta ratou mau faufaa atoa.”
^ Aore ra “te mau matahiapo.”
^ Heb: “te tatara ra oia i te hatua o.”
^ Heb: “aau.”
