Hosea 3:1-5
3 Na ô faahou maira Iehova ia ˈu: “E here faahou oe i taua vahine ra o tei herehia e te hoê tane ê e o te faaturi ra,+ mai ia Iehova e here i te nunaa o Iseraela,+ area ratou, te fariu ra ïa i te mau atua ěê ra+ e te hinaaro ra i te faraoa vine mǎrô.”*
2 Hoo maira ïa vau ia ˈna no 15 moni ario e hoê homera* kerite e te afa.
3 Na ô atura vau ia ˈna: “Na ˈu oe e rave rahi mahana. Eiaha oe e taiata,* e eiaha oe e taoto i te hoê tane ê atu. Eita atoa vau e taoto ia oe.”
4 No te mea no te hoê tau roa,* e parahi te nunaa o Iseraela aita e arii to ratou,+ aita e tamaiti huiarii, aita e tusia, aita e pou, aita e tiputa+ e aita e tii teraphima.*+
5 I muri aˈe, e hoˈi mai te nunaa o Iseraela a imi ai ia Iehova to ratou Atua+ e ia Davida to ratou arii.+ E i te pae hopea o te mau mahana, e haere mai ratou ma te rûrû ia Iehova ra no te fanaˈo i to ˈna ra maitai.+
Nota i raro i te api
^ O tei faaohipahia no te haamoriraa hape.
^ 1 homera: 220 L. Hiˈo i te tuhaa hau B14.
^ Aore ra “tauiui i te tane.”
^ Heb: “e rave rahi mahana.”
^ Aore ra “atua o te utuafare,” “idolo.”
