Deuteronomi 34:1-12
34 Pauma aˈera Mose i nia i te mouˈa Nebo+ mai te mau vahi papu pâpâmǎrô o Moabi, i nia roa i Pisega,+ i mua noa ia Ieriko.+ E faaite ihora Iehova ia ˈna i te fenua taatoa, na Gileada tae roa i Dana,+
2 e Naphatali taatoa e te fenua o Epheraima raua Manase, e te fenua taatoa o Iuda e tae roa i te miti no tooa o te râ,*+
3 e te Negeba+ e te tuhaa fenua o Ioridana,+ te peho o Ieriko, te oire o te mau tamara, e tae roa i Zoara.+
4 Na ô maira Iehova ia ˈna: “Teie te fenua ta ˈu i horeo ia Aberahama, Isaaka e Iakoba, a na ô ai: ‘No to huaai e horoa ˈtu ai au i teie fenua.’+ Ua vaiiho vau ia oe ia ite atu i taua fenua ra i to oe iho mata, eita râ oe e tae i te tahi atu pae.”+
5 I muri iho, pohe ihora Mose te tavini a Iehova i reira i te fenua o Moabi mai ta Iehova iho â i parau.+
6 Huna ihora oia ia ˈna i te fenua o Moabi, i mua noa ia Bete-peora, e aita e taata i ite teihea to ˈna menema e tae roa mai i teie mahana.+
7 Ua pohe Mose i te 120raa o to ˈna matahiti.+ Aita to ˈna mata i mohimohi na, e aita to ˈna puai i faarue na ia ˈna.
8 Taˈi aˈera te nunaa o Iseraela no Mose i te mau vahi papu pâpâmǎrô o Moabi e 30 mahana,+ e hope ihora te mau mahana taˈiraa e otoraa no Mose.
9 Ua î Iosua te tamaiti a Nuna i te feruriraa paari, ua tuu hoi Mose i to ˈna rima i nia ia ˈna.+ Faaroo aˈera te ati Iseraela ia ˈna, e rave aˈera mai ta Iehova iho â i faaue ia Mose.+
10 Aita râ hoê peropheta i fa faahou mai i Iseraela mai ia Mose,+ ta Iehova i ite e mata e mata.+
11 Ua faatupu oia i te mau tapao e semeio atoa ta Iehova i faaue ia ˈna e rave i te fenua o Aiphiti, i nia ia Pharao, ta ˈna mau tavini atoa e to ˈna fenua taatoa.+
12 Na Mose te reira i faaite i mua i te mata o Iseraela taatoa ma te rima puai e te mana rahi.+
Nota i raro i te api
^ Oia hoi te miti Rahi, Mediteranea.
