I te Mahana pae 24 no Fepuare 2023, hoê ïa matahiti teie nei te tupuraa te tamaˈi i Ukraine. Ia au i te tahi mau faataaraa, fatata 300 000 faehau no Ukraine e Rusia tei pohe aore ra tei pepe e fatata 30 000 taata tei pohe i roto i tera tamaˈi. Tera râ, mea huru rahi teie mau numera.

 Te mea peapea roa, eita teie tamaˈi e hope.

•   “Fatata hoê matahiti i muri aˈe i te taeraa mai te nuu Rusia i Ukraine, aita e haapapuraa e faaea anei tera tamaˈi. E au ra aita na fenua e piti e upootia mai i roto i teie tamaˈi aore ra e imi i te ravea ia afaro mai raua.”—NPR (National Public Radio), 19 no Fepuare 2023.

 E rave rahi taata o te oto e o te mauiui ra no ta teie tamaˈi e ta te tahi atu mau aroraa i faatupu i nia i te feia hapa ore na te ao nei. Eaha te tiaturiraa ta te Bibilia e horoa ra? E hope anei te tamaˈi ia tae i te hoê mahana?

 Te parau ra te Bibilia no te hoê tamaˈi o te faaora i te huitaata eiaha râ no te haamou. Ua matauhia teie tamaˈi i te piihia Aramagedo, e ua faataahia te reira “te tamaˈi o te mahana rahi o te Atua Manahope.” (Apokalupo 16:14, 16) Maoti teie tamaˈi, e faaore roa ˈi te Atua i te mau faatereraa taata o tei faatupu i te mau tamaˈi ino mau. No te ite e nafea Aramagedo e hopoi mai ai i te hau mure ore, a taio i te mau tumu parau i muri nei:

•   “Eaha te tamaˈi o Aramagedo?”

•   “E parau apî oaoa mau Aramagedo!”