I te 20 no Atopa 2024 te tairiraa te mataˈi rorofai Oscar i pihai iho i te oire o Baracoa, i Guantánamo i te pae hitia o te râ o Cuba. No te puai o teie mataˈi rorofai, tei raea roa 120 kilometera i te hora, aita e uira faahou. Ua î atoa te tahi mau vahi i te pape ûa, tei maraa roa i nia e 38 tenetimetera. Mea rahi te nohoraa e te fare toa tei tomohia i te pape. Ua ino atoa te mau faaapu. Hau atu i te 2 000 fare tei ino. E hitu taata tei pohe.

• Parau peapea, hoê tuahine ruhiruhia tei pohe

• 2 taata poro tei pepe rii

• 14 taata poro tei faarue i to ratou fare

• 13 nohoraa tei parari, 2 o te reira e faatupuhia ˈi te mau putuputuraa

• 22 nohoraa tei ino roa

• 5 nohoraa tei ino rii

• Ua horoa te mau taeae no te amaa, te mau tiaau haaati e te mau matahiapo no reira i te tauturu i te pae varua e i te pae materia

• 2 Tomite tauturu tei haamauhia no te faanaho i te mau ravea tauturu

Te peapea nei matou no ta teie mataˈi rorofai i faatupu. Inaha ua parari te mau nohoraa e ua pohe te taata. Teie râ, ua papu ia matou e tauturu Iehova to tatou Metua i te raˈi i te feia atoa e turui i nia ia ˈna.—Salamo 55:22.