E peropheta no te Atua o Ioane Bapetizo. (Luka 1:76) Ua fanauhia oia hou te hopea o te senekele matamua hou te tau o Iesu e ua ora oia i te senekele matamua i muri aˈe i te tau o Iesu. Ua faaue te Atua ia ˈna ia faaineine i te eˈa no te Mesia. Ua rave Ioane tera hopoia ma te poro i te poroi a te Atua i te ati Iuda, no te faafariu mai i to ratou aau i te Atua.—Mareko 1:1-4; Luka 1:13, 16, 17.

 Ua tauturu te poroi a Ioane i te feia tei faaroo ia ˈna, ia ite o vai Iesu no Nazareta mai te Mesia fafauhia. (Mataio 11:10) Ua turai Ioane te feia tei faaroo ia ˈna ia tatarahapa no ta ratou mau hara e ia bapetizo ei tapao no ta ratou tatarahaparaa. (Luka 3:3-6) No te mea ua bapetizo oia e rave rahi taata, ua piihia oia Ioane Bapetizo. Te bapetizoraa faufaa roa ta Ioane i rave, o Iesu ïa. a—Mareko 1:9.

I roto i teie tumu parau

•  No te aha mea taa ê o Ioane Bapetizo?

•  O vai te mau metua o Ioane Bapetizo?

•  O vai tei haapohe ia Ioane Bapetizo?

•  E enemi anei Ioane Bapetizo e Iesu?

•  Ehia tane tei piihia Ioane i roto i te Bibilia?

 Ua tohuhia te ohipa ta ˈna i rave: Na roto i ta ˈna ohipa pororaa, ua faatupu Ioane te parau tohu no nia i te vea a Iehova. (Malaki 3:1; Mataio 3:1-3) Ua faaite oia o ˈna te taata tei ‘faaineine i te hoê nunaa ta Iehova e au,’ oia hoi, ua tauturu oia i te ati Iuda ia ineine i te farii i te poroi o te tia matamua a te Atua ra o Iehova, o Iesu Mesia.—Luka 1:17.

 To ˈna tiaturiraa: Ua parau mai Iesu: “Aita hoê i rahi aˈe ia Ioane Bapetizo, area tei haihai aˈe i roto i te Faatereraa arii o te raˈi, mea rahi aˈe ïa ia ˈna.” (Mataio 11:11) No te mea e ere Ioane i te hoê noa peropheta oia atoa râ te “vea” tohuhia, aita hoê aˈe tavini a te Atua tei ora na mua ˈˈe ia ˈna tei rahi aˈe ia ˈna. Te faaite atoa ra te mau parau a Iesu eita Ioane e riro mai ei arii i roto i te Faatereraa arii a te Atua. b Ua pohe teie peropheta taiva ore na mua ˈˈe to Iesu iritiraa i te eˈa no te ora i te raˈi. (Hebera 10:19, 20) Tera râ, e riro Ioane ei mero huiraatira i te fenua nei i raro aˈe i te Faatereraa arii a te Atua, ma te ora e a muri noa ˈtu i roto i te paradaiso.—Salamo 37:29; Luka 23:43.

 O Zekaria e o Elisabeta te mau metua o Ioane. E tahuˈa ati Iuda o Zekaria. E semeio te fanauraa o Ioane, no te mea eita ta to ˈna mama e nehenehe e fanau i te tamarii. Oia atoa, “ua ruhiruhia” o ˈna e o Zekaria.—Luka 1:5-7, 13.

 Na te arii Heroda Anitipa i tâpû i te upoo o Ioane. Ua na reira oia, no te mea, na ta ˈna vahine o Herodia i ani ia ˈna maoti ta ˈna tamahine. Mea hae na ˈna ia Ioane no te mea ua parau oia ia Heroda, tei parau e ati Iuda o ˈna, e ere i te mea tano ia au i te ture a te ati Iuda ia faaipoipo Heroda ia ˈna.—Mataio 14:1-12; Mareko 6:16-19.

 Aita hoê aˈe parau i roto i te Bibilia o te turu ra i teie manaˈo. (Ioane 3:25-30) Tera râ, ua haapapu Ioane, ta ˈna hopoia, o te faaineineraa i te eˈa no te Mesia, eiaha râ no te aro ia ˈna. Ua parau Ioane: “I bapetizo ai au . . . i te pape, ia itehia ïa oia e to Iseraela.” E ua parau atoa oia: “O ˈna te Tamaiti a te Atua.” (Ioane 1:26-34) Oaoa roa ïa Ioane i te faarooraa no nia i te manuïaraa o te taviniraa a Iesu.