Honhom Abɔde Ɔpepem Pii
Bible no ka kyerɛ yɛn sɛ honhom mu nnipa pii wɔ hɔ. Yehowa ankasa yɛ honhom.—Yohane 4:24; 2 Korintofo 3:17, 18.
Bere bi na Yehowa nkutoo na ɔwɔ amansan no mu. Afei ofii ase bɔɔ honhom mu nnipa a wɔfrɛ wɔn abɔfo. Wɔwɔ tumi ne nyansa kɛse sen nnipa. Yehowa bɔɔ abɔfo pii; Onyankopɔn akoa Daniel huu abɔfo ɔpepehaha pii wɔ anisoadehu mu.—Daniel 7:10; Hebrifo 1:7.
Onyankopɔn bɔɔ abɔfo yi mpo ansa na ɔreyɛ asase. (Hiob 38:4-7) Na wɔn mu biara nyɛ nnipa a wɔatra asase so bere bi na wɔawuwu.
Honhom kɛse no, Yehowa, bɔɔ honhom nnipa ɔpepem pii
Ebia W'Ani Begye Wei Nso Ho
BIBLE NKYERƐKYERƐ A ƐHO HIA PAA
Enti Onyankopɔn Wɔ Din?
Onyankopɔn wɔ abodin pii. Ebi ne Ade Nyinaa so Tumfoɔ, Ɔbɔadeɛ, ne Awurade. Onyankopɔn din pue bɛboro 7,000 wɔ Bible mu.
