MA W’ANI NKU ASƐNKA HO | DƐN NA WOBƐYƐ NA AMA ANIGYE A WODE YƐ ASƐNKA ADWUMA NO AYƐ KƐSE?
Kyerɛ Wo Bible Asuafo Sɛnea Wɔn Ankasa Besua Ade
Sɛ yɛn Bible asuafo betumi abɛn Onyankopɔn yiye na wɔn ho akokwaw a, ɛnyɛ Bible mu nokware nko ara na ɛsɛ sɛ yɛkyerɛkyerɛ wɔn. (Mt 5:3; Heb 5:12–6:2) Ɛsɛ sɛ yɛkyerɛ wɔn sɛnea wɔn ankasa besua ade.
Sɛ wo ne obi fi ase sua Bible pɛ, kyerɛ no sɛnea obesiesie ne ho ama adesua no, na hyɛ no nkuran ma ɔnyɛ saa. (mwb18.03 6) Ma onhu sɛ, sɛ ɔrebesua ade a, onni kan mmɔ mpae. Boa no ma ɔntwe nneɛma a yɛde sua ade a ɛwɔ Intanɛt so no bi, na kyerɛ no sɛnea ɔde bedi dwuma. Kyerɛ no sɛnea obehu nneɛma foforo a aba jw.org ne JW Broadcasting® so. Hyɛ no nkuran ma ɔnkenkan Bible da biara, na kyerɛ no sɛnea obesiesie ne ho ama asafo nhyiam, ne sɛnea ɔbɛyɛ ne nsɛmmisa ho nhwehwɛmu. Nanso mfa mpuapua no; yɛ no nkakrankakra. Boa no ma onhu sɛnea obedwinnwen nea ɔresua no ho.
HWƐ VIDEO A YƐATO DIN BOA WO BIBLE ASUAFO MA WONHU SƐNEA WƆN ANKASA BESUA ADE NO. WUWIE A, BUA NSƐMMISA A EDIDI SO YI:
-
Sɛn na Neeta boaa Jade ma ohui sɛ, sɛ ɔresua ade a ɛnyɛ nea ehia ara ne sɛ ɔbɛhwehwɛ nsɛmmisa no ho mmuae?
-
Dɛn na ɛboaa Jade ma obegye toom sɛ eye sɛ Yehowa bara aguamammɔ?
-
Kyerɛ wo Bible asuafo sɛnea wobesua ade ne sɛnea wobedwinnwen nea wosua no ho
Dwen a yebedwinnwen nsɛm ho no, dɛn na Jade behu faa ho?
