27:23, 24; 28:1, 2, 16, 17

Ɛwom, na Paulo yɛ deduani, nanso wannyae sɛ ɔbɛka ne gyidi ho asɛm akyerɛ afoforo da. Bere a ɔte po so hyɛn no mu no, odii wɔn a wɔyɛ adwuma wɔ ɛhyɛn no mu ne wɔn a wɔtete mu no adanse. Ɛhyɛn no nyaa akwanhyia wɔ Malta, ɛno akyi no, ɛbɛyɛ sɛ ɔde hokwan no kaa asɛmpa no kyerɛɛ wɔn a ɔsaa wɔn yare no. Oduu Roma no, ne nnansa akyi pɛɛ ɔfrɛɛ Yudafo no mu atitiriw dii wɔn adanse. Afei nso, mfe mmienu a na ɔda afiase wɔ ne fie no, odii obiara a ɔbɛsraa no no adanse.

Sɛ tebea bi nti, wuntumi nyɛ pii mpo a, dɛn na wobɛyɛ na ama woatumi aka asɛmpa no?