Yesaia 51:1-23
51 “Muntie me, mo a mudi trenee akyi,Mo a morehwehwɛ Yehowa.
Monhwɛ ɔbotan a wɔpaee mo fii muNe baabi a wɔpae abo a wotuu mo fii no.
2 Monhwɛ mo agya Abraham,Na monhwɛ Sara+ a ɔwoo mo no.*
Bere a mefrɛɛ no no, na ɔyɛ onipa baako pɛ.+Ɛnna mihyiraa no ma ɔbɛyɛɛ pii.+
3 Yehowa bɛkyekye Sion werɛ.+
Ɔbɛkyekye ne nkurow a asɛe nyinaa werɛ,+Na ɔbɛma ne sare ayɛ sɛ Eden+Na n’asaase pradadaa ayɛ sɛ Yehowa turo.+
Anigye ne ahurusi,Aseda ne nnwom a ɛyɛ dɛ bɛyɛ no ma.+
4 O me nkurɔfo, muntie me;Me man, monyɛ aso mma me.+
Na mmara befi me nkyɛn akɔ,+Na mede m’atɛntrenee betim hɔ de ayɛ hann ama aman.+
5 Me trenee abɛn.+
Me nkwagye befi adi,+Na me basa bebu aman atɛn.+
Nsupɔw de wɔn ani bɛto me so,+Na wɔbɛtwɛn me basa.*
6 Momma mo ani so nhwɛ soro,Na monhwɛ asaase wɔ fam.
Efisɛ ɔsoro behuw akɔ te sɛ wusiw,Na asaase agow sɛ ntamagow.Wɔn a wɔtete so no bewuwu te sɛ ntontom.
Nanso me nkwagye bɛtena hɔ daa,+Na me trenee to rentwa da.*+
7 Muntie me, mo a munim trenee,Nnipa a me mmara* wɔ mo komam.+
Mommma onipa dasani adapaatwa mmmɔ mo hu,Na mommma wɔn kasatia nntu mo koma.
8 Efisɛ nwewemmoa bɛwe wɔn te sɛ ataade,Na mmoawammoawa awe wɔn te sɛ ataade a wɔde oguan nwi ayɛ.+
Nanso me trenee bɛtena hɔ daa,Na me nkwagye bɛtena hɔ awo ntoatoaso nyinaa mu.”+
9 O Yehowa basa,+ nyan! Nyan!Fa ahoɔden hyɛ!
Nyan te sɛ nea woyɛe tete no, te sɛ nea woyɛe awo ntoatoaso a atwam no mu no.
Ɛnyɛ wo na wububuu Rahab*+ pasaa,Na wode ade wɔɔ aboa kɛse a ɔda nsu mu no?+
10 Ɛnyɛ wo na womaa ɛpo yowee, na nsu a emu dɔ mu nsu sae no?+
Ɛnyɛ wo na wopaee kwan too po ase maa wɔn a wɔagye wɔn no faa so twae?+
11 Wɔn a Yehowa agye wɔn no bɛsan aba.+
Wɔde anigye kɛse bɛba Sion,+Na ahurusidi bɛyɛ ahenkyɛw ama wɔn* daa.+
Anigye ne ahurusi ne wɔn bɛtena,Na awerɛhow ne apinisi beguan.+
12 “Me ara na mɛkyekye mo werɛ.+
Adɛn nti na ɛsɛ sɛ wusuro onipa dasani a obewu+Ne onipa ba a obetwintwam sɛ sare momono?
13 Adɛn nti na wo werɛ afi wo Yɛfo Yehowa,+Nea ɔtrɛw ɔsoro mu+ na ɔtoo asaase fapem no?
Nea ɔhyɛ wo so* no abufuw nti, da biara da na wusuro,Te sɛ nea ɔrebɛsɛe wo ara ni.
Seesei, ɛhe na nea ɔhyɛ wo so no abufuw wɔ?
14 Nea wɔde nkɔnsɔnkɔnsɔn agu no ama ne mu akõa no, ɛrenkyɛ wobegyaa no;+Ɔrenwu nkɔ amoa mu,Na n’ano aduan remmɔ no.
15 Mene Yehowa, wo Nyankopɔn,Nea ɔkanyan ɛpo ma n’asorɔkye bu fa so no.+Asafo Yehowa ne ne din.+
16 Mede me nsɛm bɛhyɛ w’anom,Na mede me nsa ase nwini bɛkata wo so,+Na mede ɔsoro asi hɔ, na mato asaase fapem,+Na maka akyerɛ Sion sɛ, ‘Wone me man.’+
17 Nyan! Nyan! Sɔre ɛ, O Yerusalem,+Wo a woanom Yehowa abufuhyew kuruwa ano wɔ ne nsam.
Woanom kuruwa no ano;Kuruwa a ɛma nnipa kɔ afã-afã no, woataforo mu nyinaa.+
18 Ne mma a ɔwoo wɔn no mu biara nni hɔ a ɔbɛkyerɛ no kwan,Na ne mma a ɔtetee wɔn no mu biara nni hɔ a obeso ne nsa.
19 Nneɛma abien yi na ato wo.
Hena na w’asɛm bɛyɛ no mmɔbɔ?
Ɔsɛe ne amamfoyɛ, ɔkɔm ne sekan!+
Hena na ɔbɛkyekye wo werɛ?+
20 Wo mma atwitwa ahwe.+
Wɔdeda mmantwea* wɔ mmɔnten so baabiaraTe sɛ wuram guan a afiri ayi no.
Yehowa abufuhyew ne wo Nyankopɔn animkaamee wɔn.”
21 Enti mesrɛ wo tie eyi,O ɔbea a wo ho yeraw wo, wo a woabow nanso ɛnyɛ nsã* na abow wo.
22 Nea wo wura Yehowa, wo Nyankopɔn a ɔko ma ne nkurɔfo aka ni:
“Hwɛ! Megye kuruwa a ɛma nnipa kɔ afã-afã no afi wo nsam,+Kuruwa no, m’abufuhyew kuruwa no;Worennom ano bio da.+
23 Mede bɛhyɛ wɔn a wɔhaw wo no nsam,+Wɔn a wɔka kyerɛɛ wo* sɛ, ‘Butuw hɔ na yɛmfa wo so’ no!
Enti wode w’akyi yɛɛ sɛ fam,Te sɛ kurom kwan ma wɔnantew so.”
Ase Hɔ Nsɛm
^ Anaa “Sara a ɔde yaw kyem woo mo no.”
^ Anaa “me tumi.”
^ Anaa “rensɛe da.”
^ Anaa “m’akwankyerɛ.”
^ Hwɛ Nkyerɛkyerɛmu afã hɔ.
^ Nt., “bɛtena wɔn atifi.”
^ Anaa “Nea ɔka wo hyem.”
^ Nt., “nkwantia.”
^ Anaa “bobesa.”
^ Anaa “wo kra.”
