Yesaia 15:1-9
-
Moab ho atemmusɛm (1-9)
15 Moab ho atemmusɛm ni:+
Esiane sɛ wɔasɛe no anadwo baako nti,Moab-Ar+ ayɛ komm.
Esiane sɛ wɔasɛe no anadwo baako nti,Moab-Kir+ ayɛ komm.
2 Waforo kɔ Ofie* hɔ ne Dibon,+Ɔkɔ sorɔnsorɔmmea* hɔ rekosu.
Nebo+ ne Medeba+ nti, Moab resu teɛteɛm.
Obiara abɔ tikwaw,+ obiara ayi n’abogyesɛ.+
3 Wofurafura awerɛhow ntama* wɔ ne mmɔnten so.
Wɔn nyinaa resu teɛteɛm wɔ wɔn adan atifi ne wɔn mmɔnten so;Wɔresian nyinaa, na wɔresu.+
4 Hesbon ne Eleale+ teɛm;Wɔte wɔn nne wɔ Yahas+ tɔnn.
Ɛno nti na Moab asraafo teɛteɛm.
Ne ho* rewosow biribiri.
5 Moab nti, me koma resu.
N’aguanfo akɔ ara akodu Soar+ ne Eglat-Selisiya.+
Wɔreforo Luhit koko nyinaa, na wɔresu;Wɔnam kwan so rekɔ Horonaim nyinaa, na wɔresu teɛteɛm wɔ ɔsɛe no ho.+
6 Nimrim nsu nyinaa ayow koraa;Sare momono no aguan,Sare no awu, na wura momono biara nni hɔ bio.
7 Ɛno nti na wɔsoso wɔn ahode ne wɔn nneɛma a aka wɔ wɔn adekoradan mu rekɔ no;Wɔretwa subon a nsuano nnua wom no.
8 Agyaadwo no gyigye Moab asaase so baabiara.+
Osũ ne nteɛteɛm no adu Eglaim;Osũ ne nteɛteɛm no adu Beer-Elim.
9 Dimon nsu nyinaa adan mogya,Nanso nea mede reba Dimon so no sen ɛno koraa:
Mede gyata bɛba Moabfo a wɔreguanNe wɔn a wɔaka wɔ asaase no so no so.+
Ase Hɔ Nsɛm
^ Hwɛ Nkyerɛkyerɛmu afã hɔ.
^ Anaa “Asɔrefi.”
^ Anaa “atweaatam.” Hwɛ Nkyerɛkyerɛmu afã hɔ.
^ Anaa “Ne kra.”
