Nnwom 99:1-9
99 Yehowa abɛyɛ Ɔhene.+ Momma amanaman no ho mpopo.
Ɔte kerubim so.*+ Momma asaase nhinhim.
2 Yehowa yɛ kɛse wɔ Sion,Na ɔkorɔn sen aman nyinaa.+
3 Ma wonyi wo din kɛse no ayɛ,+Efisɛ ɛyɛ nwonwa na ɛyɛ kronkron.
4 Ɔyɛ ɔhenkɛse a ɔdɔ atɛntrenee.+
Wo na woama nea ɛteɛ atim.
Woama Yakob anya atɛntrenee ne adetrenee.+
5 Momma Yehowa yɛn Nyankopɔn so,+ na monkotow no* wɔ ne nan ntiaso anim;+Ɔyɛ kronkron.+
6 Ná Mose ne Aaron ka n’asɔfo ho;+Samuel nso, na ɔka wɔn a wɔbɔ ne din no ho.+
Wɔfrɛɛ Yehowa,Na ɔno nso gyee wɔn so daa.+
7 Ɔne wɔn kasae wɔ omununkum dum mu.+
Nkaesɛm ne ahyɛde a ɔde maa wɔn no, wodii so.+
8 O Yehowa yɛn Nyankopɔn, wutiee wɔn.+
Woyɛ Onyankopɔn a wode wɔn bɔne kyɛɛ wɔn,+Nanso nneɛma bɔne a wɔyɛe nti, wotwee wɔn aso.*+
9 Momma Yehowa yɛn Nyankopɔn so,+Na monkotow no* wɔ ne bepɔw kronkron no so,+Efisɛ Yehowa yɛn Nyankopɔn yɛ kronkron.+
Ase Hɔ Nsɛm
^ Ebetumi nso akyerɛ, “kerubim ntam.”
^ Anaa “monsom no.”
^ Nt., “wode aweredi baa wɔn so.”
^ Anaa “monsom no.”
