Nnwom 88:1-18
Dwom. Kora mma+ ayeyi dwom. Wɔde ma dwom kyerɛfo; wɔto no wɔ Mahalat* kwan so, ebinom to a, na ebinom agye so. Esrahini Heman+ Maskil.*
88 O Yehowa, me nkwagye Nyankopɔn,+Ade kye a, misu frɛ wo,Na ade sa nso a, meba w’anim.+
2 Ma me mpaebɔ nnu w’asom,+Na yɛ aso ma* me sufrɛ.+
3 Efisɛ amanehunu ahyɛ me* ma,+Na me nkwa abɛn Ɔdamoa.*+
4 Wɔde me aka wɔn a wɔrekɔ amoa* mu+ no ho dedaw;Mayɛ ɔbarima a n’asɛm yɛ mmɔbɔ;*+
5 Mayɛ sɛ obi a ɔda awufo mu;Mete sɛ owufo a ɔda ɔdamoa mu;Wonkae no bio,Na woagyae no hwɛ.*
6 Wode me ato amoa a emu dɔ mu,Amoa donkudonku kɛse bi a emu yɛ sum mu.
7 W’abufuw ayɛ duru wɔ me so,+Na woma w’asorɔkye bu fa me so. (Sela)
8 Woapam m’amannifo afi me ho kɔ akyirikyiri;+Woama madan akyiwade ama wɔn.
Me ho aka mu, na minnya me ho ntetew.
9 M’amanehunu nti, m’ani so ayɛ wusiwusi.+
O Yehowa, wo na misu frɛ wo daa nyinaa;+Wo na metrɛw me nsam su frɛ wo.
10 Wobɛyɛ anwonwade akyerɛ wɔn a wɔawuwu anaa?
Awufo a wontumi nkeka wɔn ho betumi asɔre ayi wo ayɛ?+ (Sela)
11 Amusiei na wɔbɛka wo dɔ a enni huammɔ no ho asɛm anaa?Anaasɛ wɔbɛka wo nokwaredi ho asɛm wɔ ɔsɛe amoa mu?*
12 Nkurɔfo betumi ahu w’anwonwade wɔ sum mu?Na wo trenee nso, nnipa behu wɔ asaase a wɔnkae obiara wɔ so+ no so anaa?
13 Nanso, O Yehowa, meda so ara su frɛ wo;+Anɔpa biara me mpaebɔ ba w’anim.+
14 O Yehowa, adɛn nti na woapo me?*+
Adɛn nti na wode w’anim ahintaw me?+
15 Efi me mmofraaseMahu amane saa ara, na mereyɛ awu;+Esiane ɔhaw pii a woma me fa mu nti, matɔ mum.
16 W’abufuhyew aboro me so;+Wo ho hu abubu me.
17 Wo ho hu twa me ho hyia sɛ nsu daa nyinaa;Ne nyinaa bom ba me so bɛka me hyem.*
18 Woapam me nnamfo ne me mfɛfo afi me ho kɔ akyirikyiri;+Esum na abɛyɛ m’adamfo.
Ase Hɔ Nsɛm
^ Hwɛ Nkyerɛkyerɛmu afã hɔ.
^ Hwɛ Nkyerɛkyerɛmu afã hɔ.
^ Anaa “Bɔ wo mu ase na tie.”
^ Anaa “ahyɛ me kra.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Anaa “Mayɛ sɛ ɔbarima a onni ahoɔden.”
^ Anaa “ɔdamoa.”
^ Anaa “woayi wo nsa afi no so.”
^ Anaa “wɔ Abadon.”
^ Anaa “woapo me kra?”
^ Ebetumi nso akyerɛ, “ba me so prɛko pɛ.”
