Nnwom 142:1-7
Maskil.* Mpae a Dawid bɔe bere a na ɔwɔ ɔbodan mu no.+
142 Meteɛm frɛ Yehowa sɛ ɔmmoa me;+Misu frɛ Yehowa sɛ ɔnyɛ me adom.
2 Mekɔ n’anim kɔka me dadwen kyerɛ no;Mekɔ n’anim kɔka m’ahohia kyerɛ no+
3 Bere a me honhom abotow* wɔ me mu no.
Ɛba saa a, wokyerɛ m’anammɔn kwan.+
Ɔkwan a mefa so no,Wɔasum afiri wɔ so de ahintaw me.
4 Hwɛ me nifa so, na wubehuSɛ obiara nni hɔ a odwen me ho.*+
Minni baabiara a meguan akɔ;+Me* ho nhia obiara.
5 O Yehowa, misu frɛ wo sɛ boa me.
Meka sɛ: “Wone me guankɔbea;+Me wiase nyinaa* ne wo.”
6 Tie me sufrɛ,Efisɛ mabotow koraa.
Wɔn a wɔtan m’ani no, gye me fi wɔn nsam,+Na wɔn ho yɛ den sen me.
7 Gye me* fi afiaseNa minyi wo din ayɛ.
Ma atreneefo ntwa me ho nhyia,Efisɛ wo ne me di no yiye.
Ase Hɔ Nsɛm
^ Hwɛ Nkyerɛkyerɛmu afã hɔ.
^ Anaa “m’ahoɔden asa.”
^ Anaa “obu me ho akontaa.”
^ Anaa “Me kra.”
^ Nt., “Me kyɛfa ara.”
^ Anaa “Gye me kra.”
