Nnwom 111:1-10
111 Munyi Yah ayɛ!*+
א [Aleph]
Mede me koma nyinaa beyi Yehowa ayɛ+ב [Beth]Wɔ teefo nhyiam ase ne asafo no mu.
ג [Gimel]
2 Yehowa nnwuma yɛ nwonwa;+ד [Daleth]Wɔn a wɔn ani gye ho nyinaa sua ho ade.+
ה [He]
3 Ne nnwuma ho yɛ nyam na ɛyɛ fɛ,ו [Waw]Na ne trenee wɔ hɔ daa.+
ז [Zayin]
4 Ɔma nnipa kae n’anwonwadwuma.+
ח [Heth]
Yehowa wɔ ayamhyehye,* na ɔyɛ mmɔborɔhunufo.+
ט [Teth]
5 Ɔma wɔn a wosuro no no aduan.+
י [Yod]
Ɔkae n’apam daa.+
כ [Kaph]
6 Ɔde amanaman no agyapade maa ne nkurɔfo,+ל [Lamed]Na ɛma wohuu n’anwonwadwuma.
מ [Mem]
7 Ne nsa ano adwuma yɛ nokware na ɛteɛ;+נ [Nun]Nnipa betumi de wɔn ho ato n’ahyɛde nyinaa so,+
ס [Samekh]
8 Enni huammɔ da;*ע [Ayin]Wayɛ wɔ nokware ne trenee mu.+
פ [Pe]
9 Wagye ne nkurɔfo.+
צ [Tsade]
Wahyɛ sɛ n’apam ntena hɔ afebɔɔ.
ק [Qoph]
Ne din yɛ kronkron na ɛyɛ hu.+
ר [Resh]
10 Yehowa suro, ɛno ne nyansa mfiase.+
ש [Sin]
Wɔn a wodi n’ahyɛde so* nyinaa nya nhumu.+
ת [Taw]
N’ayeyi wɔ hɔ daa.
Ase Hɔ Nsɛm
^ Anaa “Haleluya!” “Yah” yɛ edin Yehowa a wɔatwa no tiaa.
^ Anaa “Yehowa yɛ ɔdomfo.”
^ Anaa “Ɛwɔ nnyinaso daa daa.”
^ Nt., “Wɔn a wodi so.”
