Yɛn Bɔfo no hyehyɛɛ awareɛ ho mmara too hɔ dadaada ansa na aban ahodoɔ nso de wɔn mmara a ɛfa awareɛ ho reba. Bible mu nhoma a ɛdi kan no ka sɛ: “Ɔbarima bɛgya ne papa ne ne maame hɔ na wakɔfam ne yere ho na wɔayɛ ɔhonam korɔ.” (Genesis 2:24) Nhoma bi ka sɛ Hebri asɛmfua a wɔkyerɛ ase “yere” no, “ɛkyerɛ onipa dasani a ɔyɛ ɔbaa.” (Vine’s Expository Dictionary of Biblical Words) Yesu nso kaa sɛ “ɔbarima ne ɔbaa” na ɛsɛ sɛ wɔka bom sɛ awarefoɔ.​—Mateo 19:4.

 Enti, Onyankopɔn deɛ, ɔbarima ne ɔbaa na ɔpɛ sɛ wɔbom tena daa sɛ awarefoɔ. Onyankopɔn bɔɔ ɔbarima ne ɔbaa wɔ ɔkwan bi so a wɔn mu biara bɛtumi ayɛ biribi a ɛbɛma ne yɔnko ani agye. Afei wɔtumi nya nna mu kyɛfa, na wɔtumi wo mma nso.