Fai ke isi se fakamoemoega o te lāuga. Onoono me ko te lāuga a koe e manakogina ke fakailoa atu fua ne fakamatalaga, ke fakatalitonu atu, io me fakamalosi au tino fakalogo‵logo, ko galue ei koe ki ei e ‵tusa mo te manakoga tenā. Fakamautinoa aka me i manatu tāua katoa ka aoga ki te fakataunuga o te fakamoemoega o te lāuga.

Faka‵mafa atu te matua o tau lāuga. Ke fakasino atu faeloa ki te matua o te lāuga i te taimi e fai ei te lāuga e auala i te fakafoki‵foki atu o pati tāua i te matua io me mai te fakaaogaga o pati tai ‵pau.

Faka‵mafa au manatu tāua i se auala faigofie. Filifili fua a manatu tāua kolā e isi se lotou sokoga ki tau matua kae ke akoako atu ne koe i se auala magoi i loto i te taimi telā ko oti ne filifili aka ke fai i ei te lāuga. Fakatapula te aofaki o manatu tāua, taku fakamaea atu a manatu tāua takitasi, ke mānava malie i te va o manatu tāua takitasi, ko faipati ei koe ki manatu tāua takitasi konā.