Salamo 75:1-10
-
E fai faka‵lei ne te Atua a fakamasinoga
-
Tino amio ma‵sei ka inu ki te ipu a Ieova (8)
-
Ki te takitaki o te kau fai pese. Ne fai ki te “Sa Fakamaseigina.” Ko te salamo a Asafo.+ Se pese.
75 Matou e fakafetai atu ki a koe, e te Atua, matou e fakafetai atu ki a koe;A tou igoa e pili mai,+Kae e folafola atu ne tino au galuega ‵gali.
2 E fai mai koe: “Kafai e fakatoka ne au se taimi,Ka fai faka‵lei taku fakamasinoga.
3 I te taimi ne liua ei te lalolagi mo tino kolā e ‵nofo i ei,Ko au ne faka‵mautakitaki ne au ana pou.” (Selā)
4 E fai atu au ki tino e fai‵pati fakamata‵mata, “Sa fai‵pati fakamata‵mata,”Kae ki tino amio ma‵sei, “Sa fia ma‵luga ona ko te otou malosi.*
5 Sa fia ma‵luga ona ko te otou malosi*Io me fai‵pati mo te fakamata‵mata.
6 Me i te tulaga maluga e se vauMai saegala io me mai togala io me mai saute.
7 Me i te Atua ko te Famasino.+
E fakamalalo ne ia te tagata e tokotasi kae fakamaluga aka te suā tino.+
8 Me e isi se ipu i te lima o Ieova;+A te uaina e isi ne kapiaga i ei kae ko oti ne palu faka‵lei.
E mautinoa me ka ‵ligi ne ia ki tua,Kae ko tino amio ma‵sei katoa o te lalolagi ka inu ki ei, ke oko eiloa ki te ‵toe motiga.”+
9 Kae pelā mo au, ka folafola atu ne au te mea tenā ki te se-gata-mai;Ka usu ne au a vikiga ki te Atua o Iakopo.
10 Me fai mai a ia: “Ka ‵kati kea‵tea ne au a te malosi* o tino amio ma‵sei,Kae ko te malosi* o tino amio‵tonu ka fakamaluga aka.”
